1 Timote 5:1 - Labib An Kreol Seselwa

¹ Pa bezwen koz dir avek en vyeyar, me koz avek li konmsi i ou papa. Tret bann zennzan koman frer,

1 Timote 5:1 Referans Kwoze

Levitik 19:32

Ou ava lev debout devan en dimoun aze e respekte en vyeyar; ou ava annan respe pour ou Bondye. Mwan menm SENYER.

Let Pol pour bann Tit 2:2

Dir bann vyeyar ki zot devre modere dan tou, respektab, rezonnab e solid dan vre lafwa, lanmour ek lapasyans.

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

Galat 6:1

Mon bann zanmi! Si zot arive sirprann en dimoun pe fer en keksoz mal, zot ki posed Lespri Bondye, zot devre anmenn li lo vre semen avek douser. Sakenn vey byen son prop lekor, fer atansyon ki ou menm, ou pa ganny tante.

Let Pol pour bann Tit 2:6

Ou devre ankouraz bann zennzan pour vin rezonnab.

Matye 23:8

Me zot, pa fer personn apel zot ‘Met’, akoz zot annan en sel Met e zot tou zot frer.

1 Timote 5:17

Bann ansyen ki diriz byen Legliz, zot merit resevwar en doub lapey, sirtou bann ki annan responsabilite pour prese e ansennyen.

Romen 13:7

Rann tou dimoun sa ki zot merite: Ki swa taks, ki swa taks lo reveni; ki swa respe, ki swa loner, anver sa enn ki fodre.

Akt de Zapot 15:4

Kan zot ti ariv Zerizalenm, zot ti ganny byen resevwar par Legliz, par bann zapot ek bann ansyen. Zot ti rakont tou sa ki Bondye in fer pour zot.

Akt de Zapot 14:23

Dan sak Legliz, zot ti nonm bann ansyen. Apre ki zot ti'n zennen e priye, sa de zapot ti konfye zot dan lanmen Bondye dan ki zot ti'n krwar.

Revelasyon 4:4

Otour tronn, ti annan 24 lezot tronn. Lo sa bann tronn, 24 ansyen ti pe asiz, abiye an blan avek kouronn annor lo latet.

3 Zan 1:1

Sa let i sorti kot Ansyen, pour mon zanmi, Gayis, ki mon kontan dan laverite.

2 Zan 1:1

Sa let i sorti kot Ansyen, pour sa gran Madanm, swazi par Bondye ek son bann zanfan, ki mon kontan bokou dan laverite. Pa zis mwan ki kontan ou, me osi tou bann ki konn laverite.

Let Zak 5:14

Eski i annan ki malad parmi zot? I devre apel bann ansyen dan Legliz, ki ava priy pour li. Zot ava fer en lonksyon avek delwil lo li, lo non Senyer.

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

Akt de Zapot 20:17

Letan Pol ti Mile, i ti anvoy en mesaz Efez pour demann bann ansyen dan Legliz pour vin zwenn li.

Akt de Zapot 15:6

Bann zapot ek bann ansyen ti reini pour konsider sa kestyon.

Deterononm 33:9

Lo size son papa ek son manman, Moiz ti dir: Mon pa konn zot. I ti inyor son bann frer; i pa ni rekonnet son bann zanfan. Zot ti obzerv ou parol, zot ti gard ou lalyans.

1 Timote 5:2

bann fanm aze koman ou manman, e bann zenn fanm koman ou ser, avek en lespri pir.