1 Timote 4:2 - Labib An Kreol Seselwa

² Zot pou les zot ganny tronpe par lipokrizi bann manter; zot konsyans i'n ganny marke avek en fer rouz.

1 Timote 4:2 Referans Kwoze

Efezyen 4:19

Zot in perdi tou pider, zot in abandonn zot lekor dan toudsort vis e move aksyon san okenn kontrol.

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.

Akt de Zapot 20:30

Menm parmi zot, pou annan dimoun ki pou leve pour ansenny bann mansonz pour antrenn bann krwayan avek zot.

Revelasyon 16:14

Annefe, sa i bann lespri demon ki fer bann siny. Zot ti al kot bann lerwa lo later, pour rasanble zot pour konbat kan sa gran zour Bondye Toupwisan pou arive.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 7:15

Mefye zot bann fo profet. Zot vin kot ou degize dan lapo mouton, me anndan, zot en bann loulou feros.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

1 Rwa 22:22

I ti reponn, “Mon pou sorti e mon pou vin en lespri mansonz dan labous tou bann profet.” SENYER ti dir, “Wi, al tant li e ou ava reisi. Ale! Al fer li.

1 Rwa 13:18

I ti dir li, “Mwan osi mon en profet parey ou; en lanz ki ti dir mwan dapre parol SENYER: Anmenn li se ou pour ki i manz en pe e bwar en pe delo.” Me i ti pe manti avek li.

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Ezai 9:15

Bann ansyen ek bann zonm enportan, se sa latet; bann profet ki ansenny mansonz, se sa lake.

Zeremi 23:26

Sa pa kapab kontinyen pour lontan ankor. Zot pa kapab kontinyen senm sa bann mansonz ki zot fabrike zot menm!