1 Timote 4:1 - Labib An Kreol Seselwa

¹ Lespri i dir klerman: Dan dernyen tan, serten dimoun pou abandonn lafwa pour atas zot avek bann lespri tronper, e swiv bann lansennyman ki sorti kot bann demon.

1 Timote 4:1 Referans Kwoze

2 Pyer 2:1

Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.

Let Zid 1:18

Zot ti dir: Dan dernyen letan, pou annan bann moker, ki pou viv dapre zot prop move dezir.

2 Pyer 3:3

Mon oule ki zot konnen avan tou, ki dan dernyen zour, pou annan bann dimoun ki pou viv an swivan zot prop dezir. Zot pour vin monk ou.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

2 Timote 3:13

Me bann malfeter ek bann tronper pou touzour fer progre dan sa ki mal. Zot pou tronp lezot, me zot osi, zot pou ganny tronpe.

1 Zan 4:6

Me nou, nou pour Bondye, e sa enn ki konn Bondye i ekout nou. Me sa enn ki pa pour Bondye pa ekout nou. Konmsa menm ki nou kapab rekonnet ant Lespri Laverite ek lespri lerer.

Levanzil dapre Zan 16:13

Kan Lespri laverite pou vini, i pou gid zot dan tou laverite. I pa pou koz avek son prop lotorite, me i pou dir zot tou sa ki i'n tande e i pou anons zot tou sa ki pou arive.

1 Zan 2:18

Mon bann zanfan! Lafen i pros. Zot in deza antann dir: Lennmi Kris pe vini. Deza, en kantite lennmi Kris in fini aparet. Konmsa ki nou konnen lafen i pros.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Revelasyon 2:11

Sa enn ki annan zorey! Ekout sa ki Lespri i dir avek bann Legliz. Sa enn ki ranport laviktwar, pa pou konn en dezyenm lanmor.

2 Timote 4:4

Zot pou nepli oule ekout laverite, me zot pou prefer bann fab.

Revelasyon 20:10

Dyab ki ti pe tronp zot, ti ganny zete dan lak dife avek souf, kot sa bebet ek son profet mansonz ti ete. Zot pou ganny tourmante lizour koman aswar e pour touzour.

Revelasyon 3:6

Sa enn ki annan zorey! Ekout sa ki Lespri i dir avek bann Legliz.

Revelasyon 2:29

Sa enn ki annan zorey! Ekout sa ki Lespri i dir avek bann Legliz.

Ezekyel 38:16

Ou ava atak mon pep Izrael, parey en nyaz ki kouver later. La sa ki pou arive apre sa: Byen lontan apre, mon pou fer ou monte e atak mon pei, pour ki atraver ou, Gog, mon ava montre ki mon sen devan bann nasyon.

1 Pyer 1:20

I ti'n ganny swazir davans, avan kreasyon lemonn, me i'n ganny prezante pour zot dan sa dernyen letan.

Revelasyon 18:2

I ti kriye avek en lavwa for: I'n tonbe! Gran Babilonn in tonbe! I'n vin landrwa reste pour bann demon, en landrwa reste pour tou bann lespri enpir; en landrwa kot tou kalite zwazo enpir e degoutan i reste.

Kolosyen 2:18

Pa les zot ganny kondannen par dimoun ki pran plezir dan bann fo pratik limilite, ek ladorasyon bann lanz e ki fer vantar dan fo vizyon. Par zot mannyer panse ki tro imen, sa bann dimoun i ranpli avek lorgey san okenn rezon.

1 Korentyen 10:20

Non, sakrifis ki zot ofer, i ganny ofer avek bann demon, pa avek Bondye. Mon pa oule ki zot an kominyon avek bann demon.

Mise 4:1

Dan lavenir, kot montanny tanp SENYER i ete pou vin montanny pli o. I pou vin pli o ki tou bann kolin. Tou bann pep pou vin rasanble la.

Zeremi 49:39

Me plitar, mon pou retabli Elanm dan son larises, SENYER i deklare.

Zeremi 48:47

Me dan lavenir, mon pou redonn Moab son larises SENYER i deklare. Sanmenm sa zizman ki ti ganny prononse lo Moab.

Ezai 2:2

Dan lavenir, montanny kot tanp SENYER ti ete, pou vin pli o parmi tou bann montanny; i pou pli o ki bann kolin. Tou bann nasyon pou al ver li.

Deterononm 32:29

Si zot ti saz, zot ti ava'n konpran sa; zot ti ava'n disern zot lavenir.

Deterononm 4:30

Plitar, kan ou pou dan detres, kan tou sa ki mon'n anonse ava'n arive, ou ava retourn ver SENYER, ou Bondye e ou ava son lavwa.

Nonm 24:14

Balaanm ti dir Balak, “Aprezan, mon pe ale. Vini, mon ava dir ou sa ki sa pep pou fer avek ou pep dan lavenir.”

Zenez 3:13

SENYER Bondye ti dir avek sa fanm, “Akoz ou'n fer sa?” I ti reponn, “Serpan in anbet mwan e mon'n manze.”

Revelasyon 20:8

I pou sorti pour tronp bann nasyon dan tou kwen later, Gog ek Magog, pour rasanble zot pour lager. Zot pou osi nonbre ki disab lo bor lanmer.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Revelasyon 18:23

Lalimyer lalanp pou nepli briy kot ou. Pou nepli antann lavwa nouvo ek nouvel marye kot ou, akoz ou bann marsan ti pli enportan lo later. Par ou bann pratik mazik, ou'n tronp tou nasyon.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.

Revelasyon 3:22

Sa enn ki annan zorey! Ekout sa ki Lespri i dir avek bann Legliz.

Revelasyon 3:13

Sa enn ki annan zorey! Ekout sa ki Lespri i dir avek bann Legliz.

Revelasyon 2:17

Sa enn ki annan zorey! Ekout sa ki Lespri i dir avek bann Legliz. Sa bann ki ranport laviktwar, mon pou donn zot lamann ki'n ganny kasyet. E mon pou donn sakenn zot en pti ros blan. Lo sa ros, in ganny ekri en nouvo non ki personn pa konnen, eksepte sa enn ki resevwar sa non.

Revelasyon 2:7

Sa enn ki annan zorey! Ekout sa ki Lespri i dir avek bann Legliz: Sa enn ki ranport laviktwar, mon pou donn li drwa manz fri pye dibwa ki donn lavi, ki dan paradi Bondye.

1 Korentyen 12:11

Tousala i ganny prodwi par en sel e menm Lespri ki donn sakenn nou en don diferan, mannyer ki i oule.

Akt de Zapot 28:25

Zot pa ti tonm dakor. Kan zot ti pe kite pour ale, Pol ti zis dir zot, “Lespri Sen ti annan rezon kan i ti dir avek zot zanset par lentermedyer profet Ezai!

Akt de Zapot 17:18

Serten filozof epikiryen e stoisyen ti vin diskit avek Pol. Serten ti demande, “Ki sa kozer pe rabase?” Lezot ti dir, “I paret ki i pe koz lo bann bondye etranze.” Zot ti dir sa, akoz Pol ti pe pres lo Zezi ek rezireksyon.

Akt de Zapot 13:2

En zour, pandan ki zot ti pe ador Senyer e fer zenn, Lespri Sen ti dir zot, “Met Barnabas ek Sol apar. Mon'n swazir zot pour akonpli en misyon.”

Ezekyel 1:3

kan SENYER ti adres son parol avek pret Ezekyel, garson Bouzi, lo bor larivyer Kebar, dan Babilonn. SENYER ti poz son lanmen lo li.

Revelasyon 16:14

Annefe, sa i bann lespri demon ki fer bann siny. Zot ti al kot bann lerwa lo later, pour rasanble zot pour konbat kan sa gran zour Bondye Toupwisan pou arive.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

1 Rwa 13:18

I ti dir li, “Mwan osi mon en profet parey ou; en lanz ki ti dir mwan dapre parol SENYER: Anmenn li se ou pour ki i manz en pe e bwar en pe delo.” Me i ti pe manti avek li.

Zeremi 23:26

Sa pa kapab kontinyen pour lontan ankor. Zot pa kapab kontinyen senm sa bann mansonz ki zot fabrike zot menm!

Matye 18:7

Maler pour lemonn! I annan bokou tantasyon pour fer dimoun tonbe! Byen sir, tantasyon i la. Me maler pour sa dimoun ki fer sa arive.

Levanzil dapre Lik 17:1

Zezi ti dir avek son bann disip, “San okenn dout, dimoun pou touzour ganny tante. Me, maler pour sa enn ki fer son kanmarad tonbe!

Akt de Zapot 20:23

Sel keksoz ki mon konnen, se ki dan sak lavil ki mon'n traverse, Lespri Sen in averti mwan ki prizon ek persekisyon pe esper mwan.

Akt de Zapot 21:11

I ti vin kot nou. I ti pran sentir Pol e anmar son prop lipye ek son lanmen avek. I ti dir, “La sa ki Lespri Sen i dir: Konmsa ki propriyeter sa sentir pou ganny anmare par bann Zwif dan Zerizalenm, e zot pour livre li dan lanmen bann etranze.”

1 Korentyen 2:10

Bondye in revel son sekre avek nou, par Lespri Sen. Annefe, Lespri i kapab egzamin tou, menm plan pli sekre Bondye.

1 Korentyen 11:19

Fodre byen ki i annan divizyon parmi zot, pour kapab rekonnet lekel ki vreman fidel.

Let Zak 3:15

En lasazes parey, pa sorti dan lesyel, me i lasazes lemonn. I pa spirityel; i sorti kot dyab.