1 Timote 3:6 - Labib An Kreol Seselwa

⁶ Fodre pa ki i en nouvo konverti, akoz i riske gonfle avek lorgey e ganny kondannen parey dyab.

1 Timote 3:6 Referans Kwoze

1 Timote 6:4

sa dimoun i gonfle avek lorgey e i pa konn nanryen. I ganny maladi diskisyon ek dispit lo size bann mo. Sa i lakoz zalouzi, dispit, kalonmni, move soupson,

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

1 Pyer 2:2

Parey bann zanfan nouvo ne, kontan dile pir Parol Bondye. Konmsa zot ava grandi e ganny sove.

2 Korentyen 12:7

Sepandan, pour ki mon pa vant mon lekor pour sa bann revelasyon ekstraordiner, mon'n ganny en soufrans dan mon lekor. I koman en mesaze Satan ki'n ganny anvoye pour tourmant mwan e anpes mwan fer vantar.

1 Korentyen 8:1

Lo size lavyann ki'n ganny ofer avek zidol, i vre ki parey zot dir, nou tou, nou annan konnesans. Me sa konnesans i fer nou vin vantar, tandis ki lanmour i konstri lakominote.

1 Korentyen 3:1

Mon bann frer ek ser! Mon pa'n kapab koz avek zot koman bann dimoun ki annan Lespri Bondye, me koman bann zonm avek natir imen, koman bann zanfan dan Kris.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Proverb 29:23

Lorgey en zonm pour imilye li; me sa enn ki senp, ava ganny loner.

Proverb 18:12

Avan katastrof, leker en zonm i ranpli avek lorgey; me limilite i vin avan loner.

2 Kronik 32:25

Me Ezekyas pa ti montre rekonesans pour benediksyon ki i ti gannyen; i ti plito montre larogans. SENYER ti ankoler kont li, kont Zida e kont Zerizalenm.

2 Kronik 26:16

Me ler i ti'n vin pwisan, lorgey ti ranpli son leker e fer li tonbe. I pa ti fidel anver SENYER son Bondye. I ti fer en sakrilez: I ti antre dan tanp SENYER pour bril lansan lo lotel lansan.

2 Rwa 14:10

Ou'n bat bann Edomit, e ou fyer pour sa. Me kontant ou avek ou laglwar e reste se ou! Akoz ou anvi provok maler? Ou pou tonbe, e Zida avek ou?”

Deterononm 17:20

Konmsa, i pa ava arogan devan bann manm son kominote, ni pas akote lalwa, ni adrwat, ni agos. Konmsa osi, son bann desandan ava rennyen pandan lontan lo rwayonm Izrael.

Deterononm 8:14

Fer atansyon alor, ki ou pa oubliy SENYER, ou Bondye ki'n fer ou sorti Lezip kot ou ti lesklav.

Let Zid 1:6

Mon rapel zot koman serten lanz ki pa ti satisfe avek pouvwar ki zot ti annan, ti abandonn zot prop demer. Alor, Bondye i'n gard zot ansennen pour touzour dan fernwanr, dan fon labim, pour sa gran zour zizman.

2 Pyer 2:4

Annefe, Bondye pa ti eparny bann lanz ki ti koupab. I ti zet zot dan labim fernwanr kot zot in ganny ansennen pour zour zizman.

2 Timote 3:4

Zot pou tret, annan karakter vif, gonfle avek lorgey, kontan plezir plis ki Bondye.

Levanzil dapre Lik 10:18

Zezi ti dir zot, “Mon ti war Satan tonbe sorti dan lesyel parey en zekler.

1 Timote 3:7

Anplis, i devret en zonm ki ganny byen respekte par bann non-kretyen. Konmsa, personn pa ava dir dimal lo li, e i pa ava tonm dan bann pyez dyab.

Danyel 11:12

Avek son laviktwar lo sa gran larme, leker lerwa Sid pou ranpli avek lorgey. I pou touy plizyer milye gerye, me son laviktwar pa pou dire.