1 Timote 3:16 - Labib An Kreol Seselwa

¹⁶ Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Timote 3:16 Referans Kwoze

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Mark 16:19

Apre ki Senyer Zezi ti'n fini koz avek zot, i ti mont dan lesyel e asiz lo kote drwat Bondye.

Romen 16:25

Aprezan, annou rann glwar sa enn ki annan pouvwar pour rann zot for dapre Bonn Nouvel e dapre Zezi-Kri ki mon pe anonse, dapre revelasyon mister Bondye ki'n reste sekre pandan lontan.

Levanzil dapre Lik 24:4

Letan zot ti pe debout la dan letonnman, toudenkou, de zonm dan lenz klate, ti aparet akote zot.

Kolosyen 1:23

Sepandan, fodre ki zot kontinyen reste fidel dan lafwa lo en fondasyon solid. Fodre pa les zot ganny antrennen lwen avek sa lesperans ki zot in gannyen depi ki zot in antann Bonn Nouvel. Sanmenm sa Bonn Nouvel ki'n ganny anonse avek tou dimoun dan lemonn antye e pour ki mwan, Pol, mon'n vin son serviter.

1 Zan 1:2

Annefe, lavi in aparet, nou'n war li, nou rann temwannyaz e nou anons zot lavi eternel, ki ti kot son Papa e ki i'n revel avek nou.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

Kolosyen 1:6

Mesaz Bonn Nouvel i kontinyen repann e raport fri dan lemonn antye, parey in fer parmi zot, depi sa zour ki pour premye fwa, zot ti antann koz lo lagras Bondye e konnen ki i ete vreman.

Levanzil dapre Lik 22:43

Alor, en lanz sorti dan lesyel, ti aparet devan li pour ankouraz li.

Matye 3:16

Zis koman i ti'n fini ganny batize, Zezi ti sorti dan delo. Alor, lesyel ti ouver pour li: I ti war Lespri Bondye desann lo li dan laform en pizon.

1 Zan 3:5

Annefe, zot konnen ki Zezi-Kri i'n vini pour fer disparet pese. Dan li napa okenn pese.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

1 Timote 3:9

Avek en konsyans kler, zot devre reste dan laverite lafwa ki'n ganny revele.

Levanzil dapre Zan 20:12

I ti war de lanz abiye dan lenz blan, pe asiz la dan landrwa kot lekor Zezi ti ete, enn kot latet e lot kot lipye.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Revelasyon 7:9

Apre sa, mon ti regarde e mon ti war en gran lafoul ki personn pa ti kapab konte, sorti dan tou nasyon, tribi, pep ek lalang. Zot ti debout devan tronn e devan Zenn Mouton, abiye dan rob blan, avek brans palm dan lanmen.

1 Pyer 1:20

I ti'n ganny swazir davans, avan kreasyon lemonn, me i'n ganny prezante pour zot dan sa dernyen letan.

Ebre 7:7

Nou napa okenn dout ki sa enn ki beni i siperyer ki sa enn ki ganny beni.

Efezyen 6:19

Priy osi pour mwan, pour ki, kan mon ouver labous, mon ava ganny parol pour anons avek lasirans, sekre Bonn Nouvel.

Efezyen 1:9

I'n fer nou konn son plan sekre dapre ki dan son bonte, i ti'n deside pour akonpli davans, par Kris.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

1 Korentyen 15:47

Premye zonm in sorti dan later; i lapousyer. Dezyenm zonm in sorti dan lesyel.

1 Korentyen 2:7

Mon pe anons lasazes sekre Bondye ki'n kasyet pour zonm. Depi avan kreasyon lemonn, Bondye ti'n deza swazir sa lasazes pour fer nou partisip dan son laglwar.

Romen 10:18

Alor, mon demande: Eski bann Zwif pa'n antann sa nouvel? Mon dir, wi zot in tande. Lekritir i deklare: Zot lavwa in rezonnen lo later antye, e zot parol in fer letour lemonn.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

Galat 2:8

Bondye ki'n fer Pyer vin zapot pour bann sirkonsi, i'n osi fer mwan vin zapot pour bann ki pa'n ganny sirkonsi.

Romen 9:5

Zot desandan bann patriars, e Kris, koman en imen, i fer parti zot pep; i par lao tou. Bondye ava ganny loue pour touzour. Amenn.

Akt de Zapot 10:34

Pyer ti pran laparol. I ti dir, “Aprezan, mon vreman konpran ki Bondye pa fer preferans pour personn,

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Akt de Zapot 14:27

Kan Pol ek Barnabas ti ariv Antyos, zot ti reini Legliz e rakont tou sa ki Bondye ti'n fer atraver zot: Koman i ti'n ouver en laport pour ki bann non-Zwif osi ava kapab krwar.

Levanzil dapre Zan 16:28

Mon'n sorti kot Papa, mon'n vin dan lemonn. Aprezan, mon pe kit lemonn pour retourn kot Papa.”

Levanzil dapre Zan 13:3

Zezi ti konnen ki i ti'n sorti kot Bondye e ki i ti pe retourn kot Bondye. I ti osi konnen ki son Papa ti'n donn li tou pouvwar.

Levanzil dapre Lik 24:51

Letan i ti pe beni zot, i ti kit zot e mont dan lesyel.

Revelasyon 17:7

Me lanz ti dir mwan: Akoz ou etonnen? Mon ava dir ou sinifikasyon sekre sa fanm ek sa bebet ki i pe asiz lo la, ki annan set latet ek dis korn.

Revelasyon 17:5

Lo son fron ti'n ekri en non sekre: Gran Babilonn, manman tou bann prostitye ek tou bann aksyon degoutan lo later.

Ebre 8:1

Aprezan, la pwen pli enportan lo sa ki nou pe dir: Nou annan en tel Gran-Pret, enn ki'n asiz lo kote drwat tronn Bondye Toupwisan dan lesyel.

2 Tesalonisyen 2:7

Annefe, sa pwisans move i deza pe travay an sekre. Me sa bann levennman pou arive selman kan sa enn ki pe retenir li ava les li fer.

2 Tesalonisyen 1:10

Sa zour, i pou vini pour li ganny onore e admire par tou bann ki pour li e ki krwar dan li. Zot osi, zot ava la, akoz zot in krwar dan mesaz ki nou'n anons zot.

Akt de Zapot 1:19

Tou dimoun ki ti pe reste Zerizalenm ti antann sa nouvel. Dan zot lalang, zot ti apel sa landrwa Hakeldama, savedir, Later disan.

Levanzil dapre Zan 17:5

Aprezan Papa, glorifye mwan dan ou prezans avek sa menm mazeste ki mon ti annan avek ou, avan kreasyon lemonn.

Levanzil dapre Zan 15:26

Kan Konseye pou vini, Lespri laverite, ki mon pou anvoye sorti kot mon Papa, i pou temwanny dan mon faver.

Levanzil dapre Zan 6:62

Alor, ki zot pou dir kan zot ava war Fis-de-Lonm mont la kot i ti ete avan?

Levanzil dapre Lik 2:32

en lalimyer pour ekler bann nasyon e laglwar ou pep, Izrael.

Mark 16:5

Alor, zot ti antre dan tonbo, e la, zot ti war en zennonm abiye dan en rob blan, pe asize lo kote drwat; zot ti per.

Mark 1:13

I ti reste dan dezer pandan 40 zour e ganny tante par Satan. I ti reste parmi bann zannimo sovaz, e bann lanz ti servi li.

Matye 28:2

En kou angran, ti annan en gro tranblemandter: En lanz Senyer ti desann sorti dan lesyel. I ti'n roul sa ros e asiz lo la.

Matye 13:11

Zezi ti reponn, “Avek zot, sekre Rwayonm Bondye in ganny revele. Me sa sekre pa ankor ganny revele avek sa bann.

Matye 4:11

Alor, dyab ti kit li, e bann lanz ti vin servi li.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Romen 10:12

Annefe, napa okenn distenksyon ant Zwif ek non-Zwif. Zot tou, zot annan menm Senyer ki devers son byenfe lo tou dimoun ki envok li.

Romen 3:4

Non! Sertennman pa. Fodre rekonnet ki Bondye i azir selon laverite, menm si tou et imen i manter. Annefe, Lekritir i deklare: Ou devre ganny rekonnet vre par ou parol e ganny ou zafer si ou ganny zize.

Romen 16:26

Me la aprezan, sa mister i'n ganny revele e anonse avek tou bann nasyon, par sa ki bann profet in ekri, dapre lord Bondye eternel, pour ki zot ariv dan lobeisans par lafwa.

2 Korentyen 1:19

Annefe, Garson Bondye, Zezi-Kri, ki Silven, Timote ek mwan menm nou'n anonse parmi zot, pa ti wi ek non. O kontrer, dan li, i'n touzour annan zis wi.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

1 Zan 3:8

Sa enn ki kontinyen fer pese i pour dyab, akoz dyab in fer pese depi o konmansman! Rezon akoz Garson Bondye in vini, se pour detri bann travay dyab.

Levanzil dapre Lik 20:44

Si David i apel li Senyer, koman alor, i kapab garson David?”