1 Timote 1:10 - Labib An Kreol Seselwa

¹⁰ pour dimoun ki viv dan limoralite, bann omoseksyel, bann ki fer trafik lesklav, bann manter, bann ki fer fo serman e bann ki fer toudsort keksoz kontrer avek prensip ek lansennyman kretyen.

1 Timote 1:10 Referans Kwoze

Levitik 18:22

Ou pa pou dormi avek en zonm parey ou dormi avek en fanm. Sa i degoutan.

2 Timote 4:3

Annefe, en letan pe vini, kan dimoun pou nepli siport lansennyman laverite; me zot pou swiv zot prop dezir. Zot pou rasanble en kantite ansennyan otour zot pour dir zot sa ki zot zorey i oule tande.

Romen 1:26

Pour sa rezon, Bondye in abandonn zot dan zot bann pasyon ki fer onte. Menm zot fanm i sanz zot relasyon natirel pour bann relasyon kont natir.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.

1 Timote 6:3

Si en dimoun i ansenny en lot doktrin; si i pa dakor avek bann vre parol nou Senyer Zezi-Kri ek lansennyman nou lafwa,

Let Zid 1:7

Rapel zot osi, sa ki ti arive avek Sodonm, Gomor ek bann lavil dan zalantour. Zot bann zabitan ti fer parey: Zot ti livre zot lekor dan bann akt seksyel imoral, ek bann akt kont natir. Zot ti ganny pinisyon dife eternel. Sa i en lavertisman serye pour tou dimoun.

Let Pol pour bann Tit 1:9

I devre reste ferm dan sa mesaz sir, parey nou'n anonse. Konmsa, i ava kapab ansenny lezot dapre sa vre doktrin e montre zot lerer, bann ki pa dakor avek li.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

Levitik 20:13

Si en zonm i dormi avek en zonm, parey i dormi avek en fanm, tou le de in komet en aksyon degoutan. Zot devre ganny touye; zot ava responsab zot lanmor.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

2 Timote 1:13

Pran koman en model, bann parol laverite ki mon'n ansenny ou. Reste ferm dan lafwa ek lanmour ki nou posede dan lakominyon avek Zezi-Kri.

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

Egzod 21:16

Sa enn ki vol en dimoun, ki i vann li, oubyen i gard li dan son posesyon, sa zonm ava ganny touye.

Zenez 19:5

Zot ti apel Lot e demann li, “Oli sa bann zonm ki'n vin kot ou, la aswar? Anmenn zot kot nou, nou oule dormi avek zot.”

Let Pol pour bann Tit 1:13

Sa temwannyaz i laverite. Pour sa rezon, reprimann zot severman, pour ki zot lafwa i vin solid,

Egzod 20:7

Ou pa pou pronons non SENYER ou Bondye an bonnavini. Annefe SENYER pa pou pardonn sa enn ki pronons son non an bonnavini.

Revelasyon 18:13

kannel, lezot zepis, parfen, lamir, lansan, diven, delwil, lafarin ek dible, bef ek mouton, seval ek kales, lesklav e menm bann trafik imen.

Zakari 8:17

La sa ki SENYER i deklare: Pa mazin fer dimal ou prosen dan ou leker. Pa soutir dimoun ki fer fo serman; mon deteste tel keksoz.

Oze 10:4

Zot zis koze e fer bann fo serman ek bann promes vid. Zot bann zizman i file koman en plant anvaisan dan bann fose plantasyon.

Deterononm 24:7

Si en zonm i ganny atrape pe pran pardfors en lot Izraelit pour fer li vin son lesklav oubyen pour vann li, i ava ganny touye. Konmsa ou ava fer disparet lemal parmi zot.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Zakari 5:4

La sa ki SENYER liniver i deklare: Mon'n lans sa malediksyon; i pou antre dan lakaz sa voler e dan lakaz sa enn ki'n fer fo serman lo mon non. I pou reste dan sa lakaz e detri tou; menm son bann poto ek son bann ros.

Zenez 40:15

Annefe, mon ti ganny anmennen pardfors sorti dan pei bann Ebre, e isi osi, mon pa'n fer nanryen mal pour merit ganny met dan prizon.”

Zenez 37:27

Annou vann li avek bann Ismaelit e annou pa sali nou lanmen avek son disan. Apre tou, i nou prop laser.” Son bann frer ti ekout li.

1 Timote 4:6

Si ou ansenny bann frer ek ser tou sa bann keksoz, ou ava en bon serviter Zezi-Kri. Ou ava montre ki ou'n ganny byen nouri par bann parol lafwa ek vre lansennyman ki ou'n swiv.