1 Samyel 9:2 - Labib An Kreol Seselwa

² Kis ti annan en garson ki ti apel Sail, en garson ankor zenn e zoli, pli zoli e pli gran ki tou bann zennzan parmi pep Izrael. Son latet ti depas pour tou dimoun.

1 Samyel 9:2 Referans Kwoze

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”

Nonm 13:33

Nou'n menm war bann zean, desandan Anak. Nou ti parey bann sotrel dan bor zot; nou krwar ki zot osi zot ti war nou konmsa.

Zenez 6:2

bann garson bondye ti war ki bann fiy zonm ti atiran. Alor, zot ti swazir zot koman zot fanm.

Zeremi 9:23

La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

1 Samyel 17:4

En sanpyon ti sorti dan kan Filisten e avanse. I ti apel Golyat e i ti sorti Gat. I ti mezir plis ki 2.80 met.

1 Samyel 9:3

En zour ki bann bourik Kis, papa Sail, ti'n perdi, Kis ti dir Sail son garson, “Pran enn bann serviter avek ou e al rod sa bann bourik.”

1 Samyel 10:21

I ti prezant tribi Benzamen klan par klan, e klan Matri ti ganny swazir par tiraz osor. Apre, Sail, garson Kis, ti ganny swazir par tiraz osor. Me kan zot ti rod li, zot pa ti trouv li.

1 Kronik 8:33

Ner papa Kis; Kis papa Sail; Sail papa Zonatan, Malki-Soua, Abinadab ek Es-Baal.