1 Samyel 3:2 - Labib An Kreol Seselwa

² Eli ti pe dormi dan son plas. I pa ti war byen kler; son lizye ti'n vin sonm.

1 Samyel 3:2 Referans Kwoze

1 Samyel 4:15

Eli ti annan 98 an; i ti konpletman aveg.

Psonm 90:10

Nou lavi i dir zis pour 70 an, parfwa 80 an pour bann ki pli for; me nou konn zis traka ek lapenn; zot pas vit e nou anvole.

Zenez 48:10

Izrael pa ti war byen kler, akoz lavyeyes. Zozef ti fer zot apros kot li. I ti may zot, e anbras zot.

Zenez 27:1

Izaak ti'n vye; son lizye ti'n vin sonm e i ti nepli war kler. En zour, i ti apel Ezai, son lene garson. I ti dir li, “Mon garson.” I ti reponn, “La mon la.”

Zenez 48:19

Me son papa ti refize. I ti dir, “Mon konnen mon garson. Li osi i pou vin en pep e i pou vin gran. Son pti frer pou vin pli gran ki li e son desandans pou vin en gran nasyon.”

Eklezyas 12:3

kan sa zour i arive, bann gardyen lakaz pou tranble avek lafreyer; bann zonm vayan ava pe kourbe; bann fanm ava aret pile, akoz napa bokou zot; bann fanm ki get par lafnet nepli war kler.

1 Samyel 2:22

Eli ki ti byen vye, ti antann tou sa ki son bann garson ti pe fer avek pep Izrael, ki zot ti pe dormi avek bann fanm ki dan servis dan lantre Latant Rankont.

1 Rwa 14:4

Fanm Zeroboanm ti fer sa ki son mari ti'n dir li: I ti leve, al Silo e antre kot Ahiya. Ahiya pa ti war kler; son lizye ti nepli bon akoz lavyeyes.