1 Samyel 26:8 - Labib An Kreol Seselwa

⁸ Abisai ti dir David, “Ozordi Bondye in livre ou lennmi dan ou lanmen. Les mwan klout li dan later avek en sel kou mon lans; mon pa pou bezwen tap en dezyenm kou.”

1 Samyel 26:8 Referans Kwoze

1 Samyel 24:4

Bann zonm David ti dir li, “Ozordi, sa zour in arive ki Bondye ti dir: Mon pou livre ou lennmi dan ou lanmen e ou ava fer avek li, sa ki ou oule.” David ti leve e dousman, i ti koup en bout rob Sail.

1 Samyel 26:23

SENYER ava rekonpans sakenn dapre son lazistis ek son fidelite. SENYER ti'n livre ou dan mon lanmen ozordi; me mwan, mon pa'n oule poz lanmen lo sa enn ki SENYER in konsakre.

1 Samyel 23:14

David ti etabli li dan dezer, dan bann landrwa presipis. Letan ki i ti'n enstal li dan rezyon montanny dezer Zif, tou le zour, Sail ti rod li. Me Bondye pa ti livre dan son lanmen.

Ziz 1:4

Bann zonm Zida ti monte pour atake e SENYER ti livre bann kananeen ek bann Perizit dan zot lanmen. Zot ti ganny laviktwar dan lavil Bezek: Ti annan an tou 10,000 zonm.

Zozye 21:44

SENYER ti garanti zot lape lo tou bann frontyer, parey i ti'n promet zot bann zanset. SENYER ti'n livre tou zot bann lennmi dan zot lanmen; personn pa ti kapab reziste zot.

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Romen 11:32

Annefe, Bondye in fer tou dimoun vin prizonnyen dan dezobeisans, pour ki i montre son konpasyon anver zot tou.

Nahoum 1:9

Ki konplo ou prepare kont SENYER? I pou detri tou konpletman. Lennmi pa pou lev ankor.

Psonm 31:8

Ou pa'n livre mwan dan lanmen mon lennmi. Ou'n rann mwan lib.

1 Samyel 26:7

Alor, David ek Abisai ti desann dan lannwit, dan kan kot bann zonm Sail. Sail ti pe dormi dan milye kan avek son lans pike dan later obor son latet. Abner ek son bann zonm ti pe dormi otour li.

1 Samyel 26:9

Me David ti dir Abisai, “Pa bezwen touy li. Lekel ki kapab port lanmen lo sa enn ki SENYER in konsakre, san ganny pini?”

2 Samyel 16:9

Abisai, garson Serouya ti demann lerwa, “Akoz sa lisyen mor i ensilte ou, mon rwa, mon senyer? Les mwan al sot son latet.”

Zeremi 40:15

Dan Mispa, Yohanann ti dir an sekre avek Gedalya, “Les mwan al touy Ismael, garson Netanya. Personn pa pou konnen lekel ki ti fer sa. Akfer donn li lokazyon pran ou lavi? Si i touy ou, tou bann Izraelit ki'n rasanble otour ou pou ganny deporte ankor en fwa. Sa i pou en gran dezas pour bann dimoun ki reste dan rwayonm Zida.”

1 Samyel 24:5

Me apre sa, son leker ti konmans bat vit, akoz i ti'n koup rob Sail.