1 Samyel 2:3 - Labib An Kreol Seselwa

³ Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.

1 Samyel 2:3 Referans Kwoze

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

1 Rwa 8:39

depi ou demer dan lesyel, ekout li, pardonn li, azir e fer pour li, dapre son kondwit, akoz zis ou ki konn leker et imen.

Proverb 24:12

Si ou dir: Nou pa ti konnen; eski sa enn ki egzamin leker pa pou konpran? Sa enn ki vey lo ou pa pou konnen? Pa i pou rekonpans sakenn dapre son aksyon?

Ebre 4:12

Parol Bondye i vivan e pwisan. I pli koupe ki en lepe ki koup de kote. I kapab penetre ziska pli profon nou leker, ziska zwentir ek lanmwel lezo. I kapab ziz tou dezir ek sekre leker imen.

Proverb 16:2

Zonm i krwar touzour ki i byen azir; me SENYER ki egzamin fon leker.

Ezai 37:23

Lekel ki ou'n ensilte e meprize? Kont lekel ou'n lev ou lavwa e lev en regar ensolan? Kont Bondye sen Izrael!

Psonm 147:5

Nou SENYER i gran e son pouvwar i gran; son lentelizans napa limit.

Psonm 94:4

Zot koz bann parol arogan; tou bann malfeter pe vant zot lekor.

Psonm 44:21

Bondye ki konn sekre leker imen, pa ti ava'n remarke?

Liv Zob 31:6

mon demande ki Bondye i ziz mwan e rekonnet mon linosans.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Malasi 3:13

SENYER i deklare: Zot in dir bann parol ensolan kont mwan. Pourtan zot demande: Ki nou'n dir kont ou?

Danyel 5:27

TEKEL, savedir peze: Ou'n ganny peze lo en balans e ou'n ganny trouve tro leze.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Ezai 26:7

Semen lazistis i drwat. Ou ki zis! Fer drwat semen sa enn ki zis.

Psonm 17:10

Zot leker i san okenn pitye. Zot labous i koz avek larogans.

Psonm 31:18

Ferm labous sa bann manter ki koz avek ensolans, avek larogans ek mepri kont bann ki zis.

Psonm 75:5

Ase fer vantar, ase koz avek larogans.

Zozye 22:22

“SENYER Bondye i pli gran ki tou bann bondye! Wi! SENYER Bondye i pli gran ki tou bann bondye! SENYER Bondye i konnen, e Izrael osi pou konnen. Si nou'n azir par rebelyon, oubyen pour komet en fot grave kont SENYER, pa les nou viv, ozordi!

Ziz 9:38

Zeboul ti reponn li, “Oli ou bann gran diskour, ou ti pe dir: Ki Abimelek i ete pour ki nou soumet nou anba li? Pa sanmenm sa troup ki ou ti ensilte? Aprezan, esey al fer en latak kont li.”

Ezekyel 35:13

Ou ti dir bann parol arogan kont mwan; mwan menm mon'n tande.