1 Samyel 1:2 - Labib An Kreol Seselwa

² Elkana ti annan de fanm; enn ti apel Ann e lot ti apel Penina. Penina ti annan zanfan, tandis ki Ann ti napa.

1 Samyel 1:2 Referans Kwoze

Levanzil dapre Lik 1:7

Zot ti napa zanfan, akoz Elizabet ti steril, e tou le de ti deza byen vye.

Matye 19:8

Zezi ti dir zot, “Moiz ti donn zot permisyon pour divors zot fanm akoz zot leker dir. Me pa ti konmsa o konmansman.

Ziz 13:2

Ti annan en zonm sorti Sorea, dan tribi Dann. I ti apel Manoa. Son fanm ti steril; i pa ti kapab ganny zanfan.

Ziz 8:30

I ti ganny 70 garson ki ti son prop disan, akoz i ti annan bokou fanm.

Zenez 29:31

SENYER ti war ki Zakob pa ti kontan Lea. Alor, i ti rann li fertil, tandis ki Rasel li, ti steril.

Zenez 25:21

Izaak ti priy SENYER pour son fanm, akoz i pa ti kapab ganny zanfan. SENYER ti pran pitye pour li e Rebeka son fanm ti tonm ansent.

Zenez 4:23

Lemek ti dir avek son bann fanm: Ada ek Sila ekout mwan. Zot bann fanm Lemek ekout byen sa ki mon dir: Mon'n touy en zonm pour blesir ki mon'n gannyen, e en zanfan, pour bate ki mon'n resevwar.

Levanzil dapre Lik 2:36

Ti annan osi en profetes ki ti apel Ann, fiy Fanyel, sorti dan tribi Aser. I ti tre vye. I ti'n viv avek son mari zis pour 7 an.

Zenez 4:19

Lemek ti annan de fanm. Enn ti apel Ada e lot Sila.

Zenez 11:30

Sarai ti steril; i ti napa zanfan.