1 Samyel 1:12 - Labib An Kreol Seselwa

¹² Pandan ki i ti pe priy SENYER, Eli ti obzerv son labous.

1 Samyel 1:12 Referans Kwoze

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.

1 Tesalonisyen 5:17

Priy toultan!

Kolosyen 4:2

Persevere dan lapriyer; reste vizilan dan lapriyer ki zot adres Bondye avek rekonesans

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

Levanzil dapre Lik 18:1

Zezi ti rakont zot en parabol pour montre ki fodre touzour priye e pa perdi kouraz.

1 Samyel 1:11

I ti fer sa ve: SENYER Toupwisan! Si ou zet en regar lo ou servant, dan son leta mizer, si ou pran pitye e pa oubliy ou servant; si ou donn mwan en garson, mon pou konsakre li tou son lavi pour servi ou. Razwar pa pou zanmen pas lo son latet.

1 Samyel 1:13

Ann ti pe priy dan son leker, zis son lalev ki ti bouze, okenn son pa ti sorti. Eli ti mazinen ki Ann ti sou.