1 Pyer 1:19 - Labib An Kreol Seselwa

¹⁹ me par disan presye Kris, ki'n ofer li menm koman en zenn mouton san defo e san okenn tas.

1 Pyer 1:19 Referans Kwoze

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Egzod 12:5

Sa zenn mouton i devret san defo e aze enn an. Ou ava kapab pran li parmi bann mouton oubyen bann kabri.

Levanzil dapre Zan 1:36

I ti fikse Zezi ki ti pe pase. I ti dir, “La Zenn Mouton Bondye.”

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

Kolosyen 1:14

Par li, Bondye in delivre nou e nou pese i'n ganny pardonnen.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

1 Zan 2:2

I'n ofer li menm, koman sakrifis pour nou ganny pardon nou pese. Pa zis pour nou, me osi pour pese lemonn antye.

Ezai 53:7

I ti ganny maltrete e imilye, me i pa ti ouver labous. Parey en mouton ki ganny anmennen labatwar, parey en zenn mouton, reste trankil, san ouver labous, devan sa bann ki raz li.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.

Matye 26:28

Sa i mon disan, disan lalyans ki'n ganny verse pour bokou, pour pardon bann pese.

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Revelasyon 14:1

Apre, mon ti gete, e mon ti war Zenn Mouton pe debout lo montanny Siyon. Avek li ti annan 144,000 dimoun ki ti port son non ek non son Papa ekri lo zot fron.

Revelasyon 5:6

Dan milye tronn, mon ti war en Zenn Mouton pe debout, antoure par sa kat kreatir vivan ek bann ansyen. I ti sanble ki sa Zenn Mouton ti'n ganny ofer an sakrifis. I ti annan set korn ek set lizye ki ti sa set lespri Bondye ki ti'n ganny anvoye partou lo later.

Zakari 13:7

La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.

Levitik 1:10

Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 22:20

I pa devre prezant en zannimo ki annan en defo, sankwa mon pa pou aksepte li dan ou faver.

Nonm 7:27

en toro, en mouton mal adilt, en zenn mouton mal aze enn an pour sakrifis konplet;

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Romen 3:25

Bondye in ofer Kris an sakrifis, pour ki par lanmor Kris, sa bann ki krwar dan li i ganny pardon pese. Bondye in fer sa pour montre ki i touzour zis. Annefe, i ti zis dan letan pase, kan i ti montre son pasyans. I pa ti pini zonm pour son pese.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

Revelasyon 14:5

Dan zot labous pa'n sorti okenn mansonz; zot san okenn defo.

Nonm 7:39

en toro, en mouton mal adilt, en zenn mouton aze enn an pour sakrifis konplet;