Zeremi 8:16 - Labib An Kreol Seselwa

¹⁶ Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Zeremi 8:16 Referans Kwoze

Ziz 18:29

Zot ti apel sa lavil Dann, non zot zanset Izrael. Me oparavan, sa lavil ti apel Lais

Ziz 5:22

Alor bann sabo bann seval ti pil later; zot ti arete galope.

1 Korentyen 10:28

Me si en dimoun i dir ou: Sa lavyann ti'n ganny ofer koman sakrifis an loner bann zidol; pa manze par konsiderasyon pour sa dimoun ki'n fer ou sa remark, e pour en rezon konsyans.

1 Korentyen 10:26

Annefe, Lekritir i deklare: Later avek tou sa ki ladan, i propriyete Senyer.

Habakouk 3:10

Bann montanny i war ou, zot tranble avek lafreyer. Lapli i tonm avek lafors; losean i ronfle. I anvoy son laroul anler.

Nahoum 3:2

Ekout koudfwet, tapaz larou, seval ki pe galope, tapaz kales lager!

Zeremi 47:3

Zot pou antann tapaz seval ki pe tape avek zot sabo, fraka larou bann kales lager. Bann paran nepli okip zot zanfan.

Zeremi 10:25

Plito, devers ou lakoler lo sa bann nasyon ki pa ador ou e lo sa bann pep ki pa rekonnet ou. Zot in touy ou pep; zot in detri Izrael konpletman e zot in devaste son pei.

Zeremi 6:23

Son bann gerye i arme avek fles ek lans; zot kriyel e san pitye. Tapaz ki zot fer lo zot seval i parey en lanmer dan move tan. Zot in pare pour atak Zerizalenm.

Zeremi 4:24

Mon ti gete: Bann montanny ti pe tranble, e bann kolin ti pe sekwe.

Psonm 24:1

Later avek tou son larises, lemonn avek tou son bann zabitan i pour SENYER.

Ziz 20:1

Pep Izrael antye ti sorti e koman en sel zonm, depi Dann ziska Berseba ek Galaad ti rasanble Mispa, devan SENYER.

Liv Zob 39:20

Eski ou ki fer li sote parey en kasbol? Son kriye byen fyer i fer per.

Zeremi 3:24

Depi dan nou lazenes, sa bann pratik onte in kout nou bann zanset zot betay ek zot bann zanfan ki zot in ofer devan Baal.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Zeremi 30:5

La sa ki SENYER i deklare: Nou antann en tapaz ki fer per; en gran lafreyer ki pa anmenn lape.

Zeremi 30:16

Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Zeremi 51:29

Later i tranble; i tranble avek lafreyer kan SENYER i realiz son proze pour fer Babilonn vin en dezer kot personn pa pou vin reste.

Zeremi 4:7

Destrikter bann nasyon pe vini. Parey en lyon, in sorti dan son landrwa kasyet. I pou detri zot pei. Zot bann lavil pou ganny detri e reste abandonnen.