Zeremi 7:12 - Labib An Kreol Seselwa

¹² Mon demann zot alor, al Silo, sa premye lavil ki mon ti swazir kot pour mwan ganny adore. Zot ava war sa ki mon'n fer avek li akoz mesanste Izrael, mon pep.

Zeremi 7:12 Referans Kwoze

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zozye 18:1

Apre, lakominote Izraelit antye ti rasanble Silo, kot zot ti dres Latant Rankont. Zot ti pe kontrol pei antye.

1 Samyel 4:22

I ti dir, “Laglwar in kit Izrael e Kof lalyans in ganny sezi.”

Ziz 18:31

Zot ti enstal pour zot menm zidol ki Mise ti'n fer. Sa zidol ti reste osi lontan ki sanktyer ti Silo.

1 Samyel 1:3

Toulezan, sa Elkana ti kit son lavil e mont dan tanp Silo pour al adore e ofer sakrifis SENYER liniver. Sa ti tanp kot de garson Eli, Hofni ek Fineas ti pret devan SENYER.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Zozye 18:10

Zozye ti tir osor bann par pour zot dan prezans SENYER. La, Zozye ti partaz later parmi pep Izrael, dapre sa ki sakenn i devre gannyen.

Zeremi 7:14

Pour sa bann rezon, mon pou tret sa tanp ki'n ganny konsakre pour mwan, sa tanp dan lekel zot in met zot konfyans, sa tanp ki mon'n donn zot ek zot zanset, mon pou tret li parey mon'n fer avek Silo.

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.