Zeremi 43:1 - Labib An Kreol Seselwa

¹ Ler Zeremi ti'n fini raport tou sa ki SENYER zot Bondye ti'n anvoy li dir sa bann dimoun,

Zeremi 43:1 Referans Kwoze

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Zeremi 51:63

Ler ou ava'n fini lir sa roulo avek lepep, ou ava atas li avek en ros e zet li dan milye larivyer Efrat.

Zeremi 42:22

Alor, zot devre konnen ki zot pou mor par lager, lafanmin e par lepidemi dan sa pei kot zot oule al reste.

Akt de Zapot 20:27

Annefe, mon pa'n negliz nanryen pour anons zot plan Bondye an antye.

Akt de Zapot 5:20

“Ale! Met zot debout dan Tanp e anons lepep sa mesaz konsernan sa nouvo Lavi.”

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Zeremi 26:2

La sa ki mwan, SENYER, mon deklare: Al met ou debout dan lakour tanp e anons tou sa ki mon'n demann ou dir sa pep ki sorti depi bann lavil Zida pour vin ador mwan. Pa mank okenn parol dan mon mesaz.

Zeremi 1:17

Zeremi! Met ou pare pour al dir zot tou sa ki mon ordonn ou. Pa bezwen per zot, akoz mwan ki pou fer ou tranble devan zot.

Zeremi 1:7

Me SENYER ti dir mwan: “Pa dir ki ou tro zenn. Ou pou al partou kot mon pou anvoy ou. Ou pou dir tou sa ki mon pou ordonn ou.

1 Samyel 8:10

Alor, Samyel ti raport avek lepep, tou sa ki SENYER ti dir avek sa bann ki ti'n demann en lerwa.

Egzod 24:3

Moiz ti vin raport avek lepep tou bann parol SENYER ek tou son bann regleman. Lepep antye ti reponn avek en sel lavwa: Nou pou fer tou sa ki SENYER in dir.

Zenez 19:14

Alor, Lot ti al kot son bann zann, sa bann ki ti pou marye avek son bann fiy. I ti dir zot, “Leve! Kit sa landrwa, akoz SENYER pou detri lavil.” Me son bann zann ti pran sa koman en fars.

Zeremi 5:12

Sa pep in renye mwan. In dir: SENYER pa pou fer nanryen. Napa okenn maler ki pou tonm lo nou. Nou pa pou soufer ni lager ni lafanmin.

Zeremi 42:21

Aprezan, la mon donn zot repons. Me zot pa pe ekout sa ki SENYER i dir zot par mon lentermedyer.