Zeremi 3:4 - Labib An Kreol Seselwa

⁴ Ou telman napa okenn pider ki aprezan ou kriy ver mwan: Mon papa! Ou'n kontan mwan depi mon lanfans.

Zeremi 3:4 Referans Kwoze

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Zeremi 3:19

SENYER i deklare: Mon ti'n deside plas ou parmi bann garson prefere e donn ou en zoli pei, pei ki pli zoli omonn. Mon'n oule ki zot apel mwan Papa e ava reste fidel anver mwan.

Oze 2:15

La, mon pou rann li son plantasyon rezen e fer vale Akor, sa vale maler, vin en laport lespwar. I pou swiv mwan parey dan letan son lazenes, parey lepok ki i ti sorti Lezip.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Proverb 2:17

I'n abandonn son premye lanmoure e oubliy lalyans son Bondye.

Psonm 71:17

Mon Bondye! Depi mon ti ankor zenn, ou'n ansenny mwan. Mon ankor pe proklanm bann mervey ki ou'n fer.

Malasi 2:14

Zot demande: Akoz ki i nepli aksepte zot lofrann? SENYER i pa aksepte ou lofrann akoz i ti temwen promes fidelite ki ou ti fer avek ou premye fanm, dan ou zenes. Sa fanm ti ou konpanny ki osi ou fanm dapre sa ki ou'n promet.

Zeremi 2:27

Zot dir avek en bondye an bwa: Ou menm mon papa! E avek en stati ros: Ou ki'n donn mwan lavi! Olye met ou konfyans dan mwan, ou'n tourn ou ledo avek mwan. Me zour ou pou dan traka, ou pou kriye: Leve! Vin sov mwan.

Proverb 1:4

Sa bann proverb ava rann pridan sa enn ki napa leksperyans, pour donn lazenes konnesans e ed zot pour reflesir.

Psonm 119:9

Konman eski en zenn i kapab gard son lavi pir? Kan i obei parol SENYER.

Psonm 71:5

Senyer BONDYE! Ou menm mon lespwar. Depi mon lazenes SENYER, mon fer ou konfyans.

Psonm 48:14

ki sa Bondye i nou Bondye pour touzour; i pou gid nou pour touzour.

Malasi 1:6

SENYER liniver i dir avek bann pret: En zanfan, i obei son papa; en serviter, i respekte son met. Si mon en papa pour zot, oli loner ki mon merite? Si mon zot sef, akoz zot napa respe anver mwan, SENYER liniver i demann avek bann pret ki mepriz li. Me zot demande: Ki mannyer nou'n mepriz ou?

Zeremi 31:22

Fiy rebel! Pandan konbyen letan ou pou ankor ezite? SENYER in kre en keksoz nouvo lo later: Fanm ki pou fer lakour avek zonm.