Zeremi 24:8 - Labib An Kreol Seselwa

⁸ Lo size Sedesyas, lerwa Zida, bann zofisye, e restan lepep dan Zerizalenm ki'n reste lo sa later, oubyen ki'n al Lezip, mon pou tret zot parey sa bann fig ki telman pouri ki ou pa kapab manze, SENYER i deklare.

Zeremi 24:8 Referans Kwoze

Zeremi 43:1

Ler Zeremi ti'n fini raport tou sa ki SENYER zot Bondye ti'n anvoy li dir sa bann dimoun,

Zeremi 37:17

En zour, lerwa Sedesyas ti anvoy sers Zeremi e anmenn li kot li. La, lerwa ti kestyonn li an sekre, “SENYER pa'n donn ou okenn mesaz pour mwan?” Zeremi ti reponn, “Wi, i annan.” I ti azoute, “Ou pou ganny livre dan lanmen lerwa Babilonn.”

Zeremi 24:2

Dan en pannyen, ti annan bann zoli fig ki ti'n mir avan rekolt. Dan lot pannyen, ti annan bann fig ki ti'n gate, ki ti nepli bon pour manze.

Zeremi 37:10

Akoz, menm si ou bat tou bann gerye Babilonyen ki pe lager kont ou; menm si i reste zis gerye blese dan zot latant, zot pou sorti e met dife dan sa lavil.

Zeremi 24:5

La sa ki mwan SENYER, Bondye Izrael mon deklare: Sa bann dimoun ki mon ti fer deporte Babilonn, zot parey sa bann bon fig. Alor mon pou tret zot avek bonte.

Zeremi 21:10

Annefe, SENYER i deklare: Mon pe tourn kont lavil Zerizalenm, pa pour son boner, me pour son maler. Mon pou detri li. I pou ganny livre avek lerwa Babilonn ki pou met dife ladan.

Zeremi 44:1

La mesaz ki SENYER ti donn Zeremi konsernan tou bann Izraelit ki ti pe viv Lezip, dan bann lavil Migdol, Tafanes, Menmfis, e dan pei Patros:

1 Kronik 3:15

Bann garson Zosyas: Yohanann, son premye garson; dezyenm Yoyakim; trwazyenm Sedesyas; katriyenm Saloum.

Zeremi 13:7

Alor mon ti retourn kot larivyer Perat. Kan mon ti revwar sa plas kot mon ti'n kasyet sa sang, mon ti war ki i ti'n pouri e i ti nepli bon pour nanryen.