Zeremi 15:9 - Labib An Kreol Seselwa

⁹ Sa manman ki ti'n fer set zanfan in perdi konnesans; i pe mank respirasyon. Son lalimyer in sanz an fernwanr. In ganny kouver avek laont; in perdi son loner. Mon pou les lennmi touy tou sa ki ankor vivan, SENYER i deklare.

Zeremi 15:9 Referans Kwoze

1 Samyel 2:5

Sa ki ti'n rasazye pe rod travay pour ganny manze, Bann ki ti lafen nepli lafen. Fanm ki pa ti annan zanfan in ganny set zanfan, Me sa ki ti annan bokou zanfan i deperi.

Ezai 47:9

Sa de keksoz pou tonm lo ou en sel kou dan en sel zour: Ou pou perdi zanfan ek vin vev. Sa pou tap ou avek tou son lafors. Tou ou sorsye ek tou ou mazisyen pa pou anpes sa arive.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Lamantasyon 4:10

Bann manman ki ti annan konpasyon ti kwi zot prop zanfan pour zot manze, akoz dezas ki ti'n vin lo mon pep.

Zeremi 44:27

Mon pou vey lo zot, pa pour zot boner, me pour zot maler. Zot tou ki sorti Zida e ki pe reste Lezip, zot pou ganny masakre oubyen mor par lafen. Personn pa pou sape.

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.

Zeremi 6:4

Zot kriye: Debout! Annou prepar nou pour atak Zerizalenm! Annou atak li dan milye lazournen! Me, apre zot pou dir: Domaz! Labrin e fernwanr pe fer. Lazournen pe fini.

Zeremi 7:19

Me zot pa ofans mwan vreman. Zot pe fer ditor zot menm e zot pe anmenn laont lo zot menm.

Zeremi 19:7

Mon pou detri tou bann plan ki zabitan Zida ek Zerizalenm i annan pour sa landrwa. Mon pou les zot lennmi masakre zot. Mon pou donn zwazo ek zannimo sovaz zot kadav pou manze.

Zeremi 50:12

Me ou manman ki ti met ou omonn, in ganny kouver avek laont; in perdi tou son loner. I pou vin dernyen parmi bann nasyon; i pou vin en pei dezer, en later sek, kot napa delo.

Ezekyel 5:13

Mon pou les mon lakoler azir e vanze kont zot, ziska ki mon ganny satisfaksyon. Kan mon lakoler ava'n fini avek zot, zot ava konnen ki mwan SENYER ki'n koze; mon zalou.