Zeremi 10:9 - Labib An Kreol Seselwa

⁹ Zot ganny fabrike par en artizan e ganny dekore par en lorfev avek bann fey annarzan ki'n ganny enporte sorti Tarsis, oubyen avek lor sorti Oufaz. Answit, zot ganny abiye dan bann lenz kouler rouz e mov zot zis bann lobze lar, travay en artizan.

Zeremi 10:9 Referans Kwoze

Psonm 115:4

Zot bann zidol i annarzan e annor; in ganny fabrike par lanmen zonm.

Danyel 10:5

Mon ti lev mon lizye e mon ti war en zonm abiye dan lenz linenn, avek en sentir annor pir otour son leren.

Ezai 40:19

En zidol? En artizan ki donn li en laform, en lorfev ti kouver li avek lor e moul bann kolye annarzan pour met li.

1 Rwa 10:22

Lerwa ti annan bann bato ki i ti anvoy Tarsis ansanm avek bann navir Hiranm. Enn fwa tou le 3 an, sa bann navir ti arive sorti Tarsis, sarze avek lor, larzan, livwar, zako ek pan.

Ezekyel 27:12

Tarsis ti fer komers avek ou akoz ou ti posed bokou larises; zot ti fourni ou avek larzan, fer, leten ek diplon.

Psonm 72:10

Bann lerwa Tarsis ek dan bann zil ava anmenn kado pour li. Bann lerwa Seba ek Saba ava donn li bann lofrann.

Ezai 23:6

Travers lanmer ziska Tarsis! Bann zabitan lakot! Kriye.

Ezekyel 27:7

Ou bann lavwal in ganny koud avek linenn fen, sorti Lezip, dekore avek brodri, parey paviyon ki ou rekonnet depi lwen. Ou ti osi annan latwal kouler vyolet ek rouz sorti zil Sip.

Zonas 1:3

Me Zonas ti sove pour li al Tarsis, lwen devan prezans SENYER. I ti desann Zafa e pran en bato ki ti pe al Tarsis. I ti pey son pasaz e anbark lo bato avek lekipaz pour al Tarsis, lwen avek prezans SENYER.

Habakouk 2:19

Maler lo ou ki dir avek en morso dibwa: Leve e ki dir avek en stati an ros: Reveye! Eski i kapab ansennyen? I en stati kouver avek lor ek larzan, me i napa okenn souf lavi dan li.

2 Kronik 9:21

Bann bato lerwa Salomon ti al Tarsis avek bann maren lerwa Hiranm. Tou le 3 an, sa bann bato ti retourn avek kargezon lor, larzan, livwar, zako ek pan.

Oze 8:6

Sa zenn bef i sorti kot Izrael, en artizan ki'n fer li. I pa Bondye. Sa zenn bef Samari, pou ganny kas an morso.