Zenez 7:11 - Labib An Kreol Seselwa

¹¹ Lannen ki Noe ti ganny 600 an, disetyenm zour dan dezyenm mwan, tou bann rezervwar delo souteren ti kase e bann lafnet dan lesyel ti ouver gran.

Zenez 7:11 Referans Kwoze

Zenez 8:2

Bann sours delo souteren ti aret koule e bann lafnet dan lesyel ti fermen, lapli ti arete.

Malasi 3:10

Anmenn tou ladim dan trezor tanp, pour ki i annan touzour dekwa manze dan mon lakaz, SENYER liniver i deklare. Teste mwan e zot ava war si mon pa pou ouver rezervwar lesyel e devers lo zot toudsort benediksyon annabondans.

Zeremi 51:16

Ler i fer tande son lavwa, delo i anmase dan lesyel. I fer monte bann gro nyaz depi lorizon; i fer zekler anmenn lapli; i fer divan sorti dan son bann rezerv.

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

2 Rwa 7:19

Sa zofisye ti'n reponn profet Bondye: Menm si SENYER li menm i ava fer lafnet dan lesyel, eski en tel keksoz pou arive? Elize ti'n dir: Ou ava war avek ou prop lizye me ou pa pou manze.

Ezekyel 26:19

La sa ki Senyer BONDYE i deklare: Mon pou detri ou e fer ou vin en lavil anrin, kot personn pa reste. Mon pou fer gro delo monte e kouver ou konpletman.

Psonm 33:7

In rasanble delo lanmer ansanm dan en sel plas. In met delo bann losean dan bann rezervwar.

2 Rwa 7:2

Sa zofisye ki lerwa ti pe apiy lo son zepol ti dir avek profet Bondye, “Menm si SENYER ti fer bann lafnet dan lesyel, eski sa i ava kapab arive?” Elize ti reponn, “Ou ava war avek ou prop lizye, me ou pa pou manze.”

Zenez 1:7

Bondye ti separ delo an de parti: Bann delo ki ti anba avek bann delo ki ti lao. Sa ti arive.

Matye 24:38

Dan sa bann zour avan deliz, dimoun ti pe manze e bwar, dimoun ti pe marye e fer marye zot zanfan, ziska zour ki Noe ti antre dan lars.

Ezai 24:19

Later pe ouver partou; later pe fann, later i tranble avek vyolans.

Psonm 74:15

Ou ki'n fer koule bann sours delo ek bann larivyer, ou'n fer sek bann gran larivyer ki pa zanmen sek.

Zenez 6:17

Mwan, mon pou anvoy en deliz lo later pour detri tou sa ki annan souf lavi anba lesyel. Tou sa ki lo later pou mor.

Liv Zob 28:4

Zot fouy bann koulwar lwen avek abitasyon imen e kot personn pa pase. Zot atas zot avek en lakord e zot balanse.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.

2 Pyer 3:6

Egalman, lemonn ansyen ti ganny detri par delo, kouver par sa gran deliz.

Zenez 7:6

Noe ti annan 600 an kan deliz ti arive, ler delo ti kouver later.

Liv Zob 12:15

Si i anpes lapli tonbe, later i reste sek. Si i larg delo, later i ganny devaste.

Liv Zob 38:16

Eski ou'n deza desann kot lanmer i pran son sours? Eski ou'n deza eksplor profonder losean?

Proverb 3:20

Par son konnesans, bann rezervwar ki anba later dan lanmer, ti ouver e bann nyaz ti fer tonbe lapli.

Ezai 24:18

Sa enn ki esey sov laterer pou tonm dan lafos. Sa enn ki sorti dan lafos pou tonm dan latrap. Bann lafnet baraz lesyel in ouver e bann fondasyon later i tranble.

Zenez 8:14

Lo vennsetyenm zour, dezyenm mwan, later ti'n konpletman sek.

Liv Zob 38:37

Lekel ki kapab kont bann nyaz oubyen savir bann rezerv delo ki dan lesyel,