Zenez 6:5 - Labib An Kreol Seselwa

⁵ SENYER ti war ki mesanste zonm ti gran lo later e zot lespri ti tourn zis ver lemal.

Zenez 6:5 Referans Kwoze

Matye 15:19

Annefe, dan leker i sorti tou bann move panse: Mert, adilter, lavi imoral, vole, fer kalonmni, ek medizans.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Eklezyas 9:3

La kot i mal dan tou sa ki pase anba soley: En menm sor pour tou dimoun san okenn eksepsyon. Leker imen i plen avek mesanste, lafoli i ranpli zot leker depi zot lazenes ziska zot lanmor.

Eklezyas 7:29

Selman, la sa ki mon'n dekouver: Se ki Bondye in fer et imen drwat, me se zot ki'n rod konplikasyon.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Psonm 53:2

Dan lesyel, Bondye i get zabitan later pour war si i annan okenn ki annan disernman, ki rod Bondye.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

Ezekyel 8:9

I ti dir mwan, “Antre e get sa bann aksyon degoutan e revoltan ki ganny komet isi.”

Zenez 13:13

Bann zabitan Sodonm ti move e zot ti komet bann aksyon tre grav kont SENYER.

Ezekyel 8:12

I ti demann mwan, “Ou ki en imen, eski ou'n war ki bann ansyen pep Izrael pe fer dan fernwanr, sakenn dan son lasal dekore avek bann zimaz? Zot dir: SENYER pa war nou, SENYER in abandonn pei.”

Proverb 6:18

en leker ki prepar bann move kou, lipye ki depese pou fer sa ki mal;

Deterononm 29:19

Zot tou ki'n antann bann parol sa serman, pa felisit zot lekor par dir dan zot leker: Nou an sekirite menm si nou persiste dan nou move konportman, konmsi later ki'n ganny aroze, nepli swaf.

Liv Zob 15:16

ki mannyer i pou met son konfyans dan en et imen ki degoutan e koronpi, ki komet lemal konmsi i pe bwar delo?

Matye 24:37

Annefe, larive Fis-de-Lonm pou parey sa ki ti pase dan letan Noe.

Levanzil dapre Lik 17:26

Sa ki ti arive dan lepok Noe, i pou osi arive dan lepok Fis-de-Lonm.

1 Pyer 3:20

savedir avek bann ki ti'n dezobei Bondye otrefwa. Bondye ti esper avek pasyans pandan ki Noe ti pe konstri son bato, dan lekel en pti group dimoun, wit an tou, ti ganny sove atraver delo.

Liv Zob 22:15

Eski ou oule kontinyen swiv sa vye semen ki bann malfeter in touzour pran?