Zenez 21:4 - Labib An Kreol Seselwa

⁴ Abrahanm ti sirkonsi Izaak wityenm zour apre son nesans, parey Bondye ti'n ordonn li.

Zenez 21:4 Referans Kwoze

Akt de Zapot 7:8

Bondye ti fer en lalyans avek Abrahanm e donn li sirkonsizyon koman en siny. Alor, Abrahanm ti sirkonsi son garson Izaak, wityenm zour apre son nesans. Izaak ti fer parey: I ti sirkonsi Zakob, e Zakob ti sirkonsi nou douz patriars.

Levanzil dapre Lik 2:21

Wit zour apre son nesans, sa pti baba ti ganny sirkonsi. Zot ti apel li Zezi, non ki lanz ti dir avan ki son manman ti ansent.

Levanzil dapre Lik 1:59

Wit zour plitar, zot ti vin sirkonsi sa baba e zot ti oule apel li Zakari, parey son papa.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Levitik 12:3

Wityenm zour, sa garson ava ganny sirkonsi.

Egzod 12:48

Si en etranze ki pe reste kot ou i anvi obzerv Pak pour SENYER, fodre ki bann mal ki kot li i ganny sirkonsi. Alor, i ava kapab aprose pour partisipe; i ava ganny konsidere koman en sitwayen. Me tou sa ki pa'n ganny sirkonsi, pa pou kapab manz sa zannimo.