Rit 3:7 - Labib An Kreol Seselwa

⁷ Kan Boaz ti'n fini manze e bwar, e i ti santi li byen, i ti al dormi obor son ta legren. Apre sa, Rit ti aprose dousman, dekouver son lipye, e alonz obor li.

Rit 3:7 Referans Kwoze

Ester 1:10

Setyenm zour lafet, kan i ti'n konmans soule avek diven, lerwa ti apel Mehoumann, Bizta, Harbona, Bigta, Abagta, Zetar ek Karkas, set enik ki ti dan servis lerwa Zerzes.

Ziz 19:6

Tou le de ti asize. Ansanm, zot ti manze e bwar. Apre, papa sa zenn fanm ti dir son zann, “Aksepte pas lannwit isi e anmiz ou.”

2 Samyel 13:28

Absalon ti donn sa lord son bann serviter, “Vey byen ler Amnon i soule avek diven, e mon ava dir: Tap Amnon! Zot ava touy li. Pa per, mwan ki donn zot lord. Pran kouraz, montre ki zot brav.”

Ziz 19:9

Sa zonm ti leve pour li ale avek son menazer ek son serviter. Me son boper, papa sa zenn fanm ti dir li, “Lazournen pe fini, aswar pe fer; pas lannwit isi. Lazournen pe fini, pas lannwit isi; kontinyen anmiz ou. Demen zot ava lev granmaten pour pran larout e ou ava retourn kot ou.”

Eklezyas 10:19

Bann ris i donn festen pour diverti; diven i rann lavi gou; larzan i permet fer tou.

Eklezyas 9:7

Ale, manz ou dipen avek lazwa e bwar ou diven avek en leker kontan; akoz Bondye in deza aprouv ou travay.

Eklezyas 8:15

Alor, mon ti dir: Anmize, akoz napa nanryen ki bon pour zonm anba soley; zis manze, bwar ek diverti; se sa ki pou avek li toultan dan son travay, tou le zour son lavi ki Bondye in donn li anba soley

Eklezyas 2:24

Sel bon keksoz pour en et imen fer, se manze, bwar e war rezilta son travay; mwan mon krwar, sa i sorti kot Bondye.

Psonm 104:15

Diven pour fer leker zwaye, delwil pour fer klate figir e dipen pour redonn lafors.

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

1 Rwa 21:7

Zezabel, son fanm, ti dir li, “Pa ou ki lerwa lo Izrael? Leve, manze e rann ou leker zwaye; mwan, mon pou donn ou plantasyon rezen ki pour Nabot, sa Zizreelit.”

Ziz 19:22

Pandan ki zot ti pe manze bann zabitan lavil, bann zonm bonnaryen, ti antour sa lakaz. Zot ti tap for lo laport. Zot ti dir sa vyeyar, met sa lakaz, “Fer sorti sa zonm ki'n antre kot ou; nou oule dormi avek li.”

Ziz 16:25

Letan zot ti dan lazwa, zot ti dir, “Anmenn Sanmson pour li anmiz nou.” Zot ti fer Sanmson sorti dan prizon. I ti konmans fer boufon devan zot. Zot ti met li debout ant bann kolonn.

Zenez 43:34

Zozef ti fer servi zot porsyon manze ki sorti lo son latab. Porsyon ki Benzamen ti gannyen ti senk fwa plis ki pour lezot. Alor, zot ti bwar diven avek li ziska zot ti soule.

Efezyen 5:18

Pa bezwen soul zot avek diven, akoz sa pou zis antrenn zot dan en lavi dezordonnen. O kontrer, zot devre ranpli avek Lespri Sen.

Rit 3:6

Alor, Rit ti desann kot Boaz ti pe bat son mai e i ti fer egzakteman sa ki son belmer ti'n rekomann li.

Rit 3:8

Ver minwi Boaz ti sote, e sanz pozisyon, e la ti annan en fanm pe dormi obor son lipye.