Psonm 99:1 - Labib An Kreol Seselwa

¹ SENYER i lerwa. Bann pep! Tranble. Son tronn i par lao bann seriben. Later! Sekwe.

Psonm 99:1 Referans Kwoze

Psonm 97:1

SENYER i lerwa! Later i rezoui! Bann zil i dan lazwa!

Egzod 25:22

La kot mon pou rankontre ou; mon pou koz avek ou depi kouvertir Kof Lalyans, ant sa de seriben ki lo Kof Temwannyaz, pour mwan donn ou tou bann lord pour pep Izrael.

Psonm 97:4

Bann zekler i ilimin lemonn; kan later i war sa, i tranble.

Psonm 93:1

SENYER i lerwa, in anvlope dan mazeste; i antoure avek lafors.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Psonm 80:1

Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Revelasyon 11:17

Zot ti dir: Nou loue ou, Senyer, Bondye liniver, ki egziste, e ki ti egziste. Ou'n servi ou gran pouvwar pour etabli ou renny!

Revelasyon 6:14

Lesyel ti disparet parey en roulo ki en dimoun i roule, e tou bann montanny ek bann zil ti ganny deplase.

Filipyen 2:12

Mon bann zanmi! Zot in touzour obei mwan kan mon ti parmi zot. Aprezan ki mon lwen avek zot, kontinyen obeir plis ankor. Travay avek limilite ek respe pour zot ganny sove.

Levanzil dapre Lik 19:27

Kanta mon bann lennmi ki pa ti oule mwan koman zot lerwa, anmenn zot isi e touy zot devan mwan.”

Levanzil dapre Lik 19:14

Me bann sitwayen ti deteste li. Zot ti anvoy en delegasyon deryer li pour dir: Nou pa oule sa zonm koman nou lerwa.

Levanzil dapre Lik 19:12

Alor, Zezi ti rakonte, “En zonm, sorti dan en fanmir nob, ti al dan en pei lwen pour li ganny kouronnen koman lerwa; i ti devre answit retournen.

Zeremi 50:46

Kan Babilonn pou ganny kaptire, later pou tranble; son bann apel osekour pour ganny tande parmi bann nasyon.

Zeremi 49:21

Edonm pou tonm avek; en gro tapaz pour sekwe later antye; zot kriy osekour pou ganny tande osi lwen ki lanmer Rouz.

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Zeremi 4:24

Mon ti gete: Bann montanny ti pe tranble, e bann kolin ti pe sekwe.

Ezai 19:14

SENYER in met dan zot latet en lespri konfize ki fer Lezip bite dan tou sa ki i antreprann. In vin parey en soular ki drive dan son vomi.

Psonm 96:10

Al anons avek bann nasyon: SENYER i Lerwa! Lemonn i solid; i pa pou bouze. SENYER i ziz bann pep avek drwatir.

Psonm 18:10

I ti mont lo en seriben e i ti anvole. I ti plannen lo lezel divan.

Psonm 2:6

Mwan ki'n etabli mon lerwa lo Siyon, mon montanny sen.

Psonm 82:5

Zot pa konn nanryen e zot san konpran; zot konpletman koronpi. Napa nanryen ki zot fer ki anmenn lazistis lo later.

2 Samyel 6:2

David, avek tou son bann zonm, ti kit Baal-Zida pour retourn avek Kof Bondye, lo lekel non SENYER liniver i ganny envoke, ki asiz lo bann seriben, par lao Kof lalyans.

1 Kronik 16:30

Later antye! Tranble devan li! Lemonn i reste ferm, i pa tranble.

Psonm 80:2

devan Efraim, Benzamen ek Manase! Revel ou pwisans e delivre nou!

Psonm 96:9

Prosternen devan SENYER kan i manifeste son sentete. Later antye! Tranble devan li.

Ezekyel 43:7

Sa lavwa ti dir mwan: Ou ki en imen, ekoute! Isi i landrwa kot mon tronn i ete; la kot mon poz mon lipye. Mon pou reste parmi pep Izrael pour touzour. Ni pep Izrael, ni son bann lerwa pa pou dezonor mon non sen ankor par zot lavi prostitisyon e par bann kadav zot bann lerwa lo zot bann oter.