Psonm 96:2 - Labib An Kreol Seselwa

² Sant an loner SENYER! Loue son non. Anons son delivrans zour apre zour.

Psonm 96:2 Referans Kwoze

Mark 16:15

I ti dir zot, “Al partou dan lemonn antye; anons Bonn Nouvel avek tou dimoun.

Psonm 71:15

Mon pou rakont bann gran keksoz ki ou'n fer. Tou le zour, mon pou fer konnen koman ou'n sov nou. I annan sitan bokou, ki mon pa pou kapab rakont tou.

Psonm 40:10

Mon pa'n kasyet ou lazistis dan fon mon leker; mon'n fer proklanm ou fidelite ek ou delivrans pour mwan. Mon pa'n kasyet ou fidelite ek ou lanmour devan lasanble.

Ezai 40:9

Siyon! Ou ki anmenn bon nouvel, mont lo latet en gran montanny. Zerizalenm! Ou ki anmenn bon nouvel, kriy avek tou ou lafors. Fer tande ou lavwa! Pa bezwen per! Al dir ek bann lavil dan Zida: Ou Bondye i la!

Psonm 145:1

Mon pou proklanm ou grander, Bondye mon lerwa. Mon pou loue ou non pour touzour e touzour.

Revelasyon 5:13

Mon ti osi antann tou bann kreatir dan lesyel, lo later, anba later, dan lanmer e tou kreatir dan liniver antye ki ti pe sante: Pour li, sa enn ki pe asiz lo tronn e pour Zenn Mouton! Louanz, loner, laglwar, pwisans pour touzour!

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

Akt de Zapot 13:26

Mon bann frer! Zot ki desandan Abrahanm, e zot ki annan respe pour Bondye: Pour nou ki sa mesaz delivrans in ganny anvoye.

Psonm 145:10

Tou sa ki ou'n fer pou loue ou SENYER. Tou dimoun ki reste fidel pou remersye ou.

Psonm 103:20

Loue SENYER, zot bann lanz! Zot ki pwisan, fer son lavolonte, e obei tou son parol!

1 Kronik 29:20

David ti dir avek lasanble antye: Loue SENYER zot Bondye. Alor, tou lasanble ti loue SENYER, Bondye zot zanset. Zot ti bese e prostern devan SENYER e devan lerwa.

Psonm 145:2

Mon pou loue ou tou le zour. Mon pou loue ou non pour touzour e touzour.