Psonm 83:7 - Labib An Kreol Seselwa

⁷ zabitan Gebal, Amonn ek Amalek, Filisten ek zabitan Tyr.

Psonm 83:7 Referans Kwoze

Zozye 13:5

pei bann Gebalit, e Liban antye, dan kote Les, depi Baal-Gad anba montanny Hermon ziska lantre Amat;

Ezekyel 27:9

Ou ti pran bann zouvriye eksperyanse sorti Gebal pour fer bann reparasyon. Tou bann bato ek zot maren ti aret kot ou pour vin aste ou marsandiz.

Ezekyel 27:3

Dir Tir, sa lavil lo borlanmer, ki fer komers avek tou bann nasyon parmi pep bann zil: La sa ki Senyer BONDYE i deklare: Tir! Ou ki'n dir: Mon posed en labote parfe.

Amos 1:9

La sa ki SENYER i deklare: Akoz sa kantite krim pep Tir, mon pa pou sanz mon desizyon. Akoz zot in livre en pep antye dan lanmen bann Edomit, san menm mazin lalyans fraternel ant zot,

1 Samyel 15:2

La sa ki SENYER liniver i deklare: Mon'n deside fer Amalek rann kont pour sa ki i'n fer Izrael, ler i ti bar zot semen, kan zot ti sorti Lezip.

1 Samyel 4:1

Pep Izrael antye ti antann parol Samyel. Pep Izrael ti al lager kont bann Filisten. Zot ti etabli zot kan pre Eben-Ezer, tandis ki bann Filisten ti fikse zot kan pre Afek.

1 Kronik 5:10

Dan lepok Sail, zot ti fer lager avek bann Hagarit ki ti ganny detri dan zot lanmen. Zot ti reste dan latant, dan tou rezyon Les Galaad.