Psonm 74:3 - Labib An Kreol Seselwa

³ Vin kot sa bann ki'n ganny detri pour touzour. Lennmi in demoli tou sa ki ti dan ou tanp.

Psonm 74:3 Referans Kwoze

Danyel 9:17

Aprezan, nou Bondye, ekout lapriyer ek bann siplikasyon ou serviter. Zet en regar favorab lo ou sanktyer ki'n ganny detri!

Lamantasyon 1:10

Lennmi in poz son lanmen lo tou son bann trezor. Son pep in war bann pep etranze antre dan tanp kot SENYER li menm ti defann zot antre.

Psonm 79:1

Mon Bondye! Bann etranze in anvai ou pei. Zot in profann ou tanp sen. Zot in fer Zerizalenm vin en ta ros.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Mark 11:17

I ti ansenny sa bann dimoun. I ti dir zot, Pa i'n ekri: Mon lakaz pou ganny apele en lakaz lapriyer pour tou nasyon? Zezi ti azoute, “Me zot, zot in fer li vin en kavern bann bandi.”

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Mise 1:3

SENYER pe sorti dan son demer. I desann e mars lo bann montanny.

Danyel 11:31

Bann troup anba son komann, pou antre e rann enpir sanktyer ek son fortifikasyon. Zot pou fer arete bann sakrifis ofer sak zour e etabli en pratik degoutan.

Danyel 9:27

I pou fer en lalyans solid avek bokou pour en semenn; e pandan lanmwatye en semenn, i pou fer arete sakrifis ek lofrann. En devastater pou met anplas en pratik degoutan, ziska son prop destriksyon, dapre sa ki'n ganny deside.

Zeremi 52:13

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Ezai 61:4

Zot pou rekonstri lo vye fondasyon zot pou relev bann landrwa devaste depi lontan; zot pou refer bann lavil anrin ki'n ganny dezerte depi plizyer zenerasyon.

Ezai 25:10

Lanmen SENYER pou reste lo sa montanny. Bann Moabit pou ganny kraze lanmenm an plas parey lapay ki ganny pil anba lipye dan en trou fimyen.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Psonm 44:26

Leve! Vin sekour nou! Delivre nou akoz ou fidelite.

Psonm 44:23

SENYER! Leve! Akoz ou dormi? Sorti dan ou sonmey! Pa rezet nou pour touzour!

Nehemi 2:13

Mon ti sorti pandan lannwit par Laport Vale, pas sours Dragon ek Laport Fimyen. Mon ti enspekte bann miray Zerizalenm ki ti'n ganny met ater ek son bann laport ki dife ti'n detri.

Nehemi 2:3

Mon ti reponn lerwa, “Viv lerwa pour touzour! Mon annan rezon tris, akoz lavil kot mon bann zanset in ganny antere, in ganny abandonnen e son bann laport in ganny detri par dife.”

Nehemi 1:3

Zot ti dir mwan, “Bann sirvivan laba dan provens, ki'n sov deportasyon, i viv dan gran mizer ek laont; miray Zerizalenm in fann an morso, e bann laport in ganny detri par dife.”

Zozye 10:24

Ler zot ti'n anmenn sa bann lerwa devan li, Zozye ti apel tou bann Izraelit. I ti dir bann sef latroup ki ti'n akonpanny li, “Vini! Met zot lipye lo likou sa bann lerwa.” Zot ti aprose e met zot lipye lo likou bann lerwa.

Revelasyon 11:2

Me pa mezir lakour eksteryer Tanp, akoz i'n ganny abandonnen avek bann nasyon ki pou kraz lavil sen pandan 42 mwan.

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.