Psonm 57:2 - Labib An Kreol Seselwa

² Mon kriy ver Bondye Treo; Bondye ki fer tou pour mwan.

Psonm 57:2 Referans Kwoze

Psonm 138:8

SENYER pou fer tou pour mwan. SENYER! Ou fidelite i dire pour touzour. Pa abandonn sa enn ki ou lanmen in fer.

Filipyen 1:6

Mon sir ki Bondye ki'n konmans sa bon travay parmi zot, ava kontinyen fer li ziska ki i ganny konplete, zour ki Zezi-Kri ava retournen.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.

Ezai 26:12

SENYER! Ou'n akord nou lape, akoz vreman, tou sa ki nou'n fer, se ou ki'n fer pour nou.

Filipyen 2:12

Mon bann zanmi! Zot in touzour obei mwan kan mon ti parmi zot. Aprezan ki mon lwen avek zot, kontinyen obeir plis ankor. Travay avek limilite ek respe pour zot ganny sove.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Psonm 56:2

Dan son lafyerte, mon lennmi pe pourswiv mwan. En kantite zot pe atak mwan. Bondye liniver!

Psonm 17:8

Gard mwan koman kannet ou lizye. Kasyet mwan anba lonbraz ou lezel,

Psonm 41:5

Mon bann lennmi i dir dimal lo mwan. Zot demande kan mon pou mor e mon non ava disparet.

Psonm 143:9

SENYER! Sov mwan kont mon bann lennmi. Mon'n sov kot ou, pour mwan ganny en labri.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.