Psonm 51:3 - Labib An Kreol Seselwa

³ Mon rekonnet mon bann tor e mon pese i touzour devan mwan.

Psonm 51:3 Referans Kwoze

Ezai 59:12

Tou nou fot i la devan ou e nou bann pese i akiz nou. Nou bann fot pa kit nou e nou konn byen nou fot.

Proverb 28:13

Sa enn ki kasyet son bann fot pa pou prospere. Me sa enn ki avoue son fot e renonse, pour ganny pardonnen.

Psonm 38:18

Mon rekonnet mon fot, mon regret mon pese.

Psonm 32:5

Me, mon'n avoue mon pese avek ou; mon pa'n kasyet mon fot. Mon ti dir: Mon pou konfes mon pese avek SENYER. Alor, ou ti pardonn mwan mon pese.

Zeremi 3:25

Annou kasyet dan nou laont e ganny kouver avek dezoner. Annefe, depi nou lanfans, nou, avek nou paran, nou pe komet pese anver SENYER, nou Bondye. Nou pa'n ekout sa ki SENYER nou Bondye ti'n dir nou.

Psonm 40:12

En kantite maler in serkle mwan partou; i tro bokou pour konte. Mon bann pese in retonm lo mwan; zot anpes mwan war kler; zot plis ki seve lo mon latet e mon'n perdi kouraz.

Liv Zob 33:27

Alor, i sante devan tou dimoun: Mon'n fer pese, mon pa'n fer sa ki drwat e mon pa'n ganny trete parey mon ti merite.

Nehemi 9:2

Bann ki desandan Izrael ti separ zot avek bann etranze. Zot ti debout e konfes zot pese ek pese zot bann zanset.

Psonm 41:5

Mon bann lennmi i dir dimal lo mwan. Zot demande kan mon pou mor e mon non ava disparet.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.