Psonm 23:3 - Labib An Kreol Seselwa

³ I redonn mwan lavi; i gid mwan lo bon semen pour loner son non.

Psonm 23:3 Referans Kwoze

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Psonm 31:3

Vreman! Ou menm mon Ros protekter e mon fortres. Akoz ou non i gran, kondwir mwan e gid mwan.

Psonm 19:7

Lalwa SENYER i parfe, i restor lavi. Tou bann regleman SENYER i sir. I donn lasazes sa enn ki senp.

Psonm 51:10

Mon Bondye! Kree dan mwan en leker pir; Redonn mwan en lespri nouvo.

Psonm 5:8

SENYER! Akoz mon bann lennmi, gid mwan dan ou lazistis. Fer disparet tou danze lo semen ki ou'n trase pour mwan.

Psonm 51:12

Redonn mwan lazwa ou delivrans e en lespri zenere ava soutenir mwan.

Liv Zob 33:30

I delivre li dan latonm, e fer li war lalimyer lavi.

Proverb 8:20

Mon mars lo semen lazistis, tou dilon bann santye laverite,

Revelasyon 3:19

Mon koriz e mon pini tou sa bann ki mon kontan. Montre bokou devouman, e sanz ou konportman.

Psonm 79:9

Mon Bondye, nou sover! Vin sekour nou pour montre ou grander. Pour loner ou non, delivre nou e pardonn nou.

Psonm 85:13

Lazistis ava mars devan li e tras en semen pour li.

Proverb 4:11

Mon'n ansenny ou semen lasazes. Mon'n kondwir ou lo bann santye ladrwatir.

Psonm 119:176

Mon'n egare parey en mouton ki'n perdi semen. Vin rod ou serviter, akoz mon pa oubliy ou bann komannman.

Ezekyel 20:14

Pourtan, mon'n azir avek konsiderasyon pour mon loner, pour ki mon non pa ganny profannen parmi bann nasyon ki ti war kan mon ti fer zot sorti Lezip.

Zeremi 31:8

Annefe, mon pou fer zot retournen depi bann pei dan Nor, e rasanble zot depi pei pli lwen lo later. Tou dimoun pou la: Bann aveg, bann ki bwete, fanm ansent e fanm ki pe ganny zanfan. Sa pou en gran lasanble ki pou retourn isi.

Efezyen 1:6

Alor, annou loue Bondye pour son lagras, pour donn nou gratwitman sa kado, dan son Garson byenneme.

Psonm 34:3

Vin proklanm avek mwan grander SENYER! Ansanm, annou sant son non!

Psonm 31:4

Ou pou delivre mwan dan latrap ki'n ganny mete pour mwan, akoz ou menm mon fortres.

Psonm 106:8

Me i ti sov zot pour loner son non, pour li montre zot son gran pwisans.

Psonm 109:21

Me ou, Senyer BONDYE! Pour loner ou non, fer keksoz pour mwan. Akoz ou bon e ki ou kontan mwan, vin sov mwan!

Zeremi 31:25

Mon pou rekonfort sa bann ki fatige, e sa bann ki lafen, mon pou donn zot tou sa ki zot bezwen.