Psonm 17:4 - Labib An Kreol Seselwa

⁴ Mon pa'n dir nanryen kont lezot; mon'n obei ou komannman; mon pa'n swiv semen dimoun ki vyolan.

Psonm 17:4 Referans Kwoze

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.

1 Korentyen 3:3

akoz zot ankor annan natir imen. Annefe, si i ankor annan zalouzi ek kerel parmi zot, sa pa i montre ki zot ankor annan natir imen? Zot pe konport zot dan fason imen.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

Efezyen 6:17

Met osi kas delivrans lo zot latet, e pran Parol Bondye koman en lepe ki Lespri Sen i donnen.

Levanzil dapre Zan 17:17

Konsakre zot par laverite; ou parol i laverite.

Matye 4:10

Zezi ti reponn li, “Sorti la, Satan! Ale. I'n ekri: Se Senyer, ou Bondye ki ou devre adore e li tousel ki ou devre servi!”

Matye 4:7

Zezi ti reponn li, “I'n osi ekri: Ou pa devre tant Senyer ou Bondye.”

Matye 4:4

Me Zezi ti reponn li, “Lekritir i deklare: Zonm pa pou viv zis lo dipen, me lo tou parol ki sorti dan labous Bondye.”

Revelasyon 9:11

Zot ti annan en lerwa ki ti diriz zot. I ti apel Lanz labim, Abadonn, dan lalang Ebre e Apolyonn dan lalang Grek.

Liv Zob 31:33

Si mon ti kasyet mon pese parey lezot i fer, e kasyet zot dan mon leker,

Liv Zob 15:16

ki mannyer i pou met son konfyans dan en et imen ki degoutan e koronpi, ki komet lemal konmsi i pe bwar delo?

Zenez 6:11

Bondye ti konstate ki later ti'n koronpi e ranpli avek vyolans.

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

1 Samyel 26:9

Me David ti dir Abisai, “Pa bezwen touy li. Lekel ki kapab port lanmen lo sa enn ki SENYER in konsakre, san ganny pini?”

1 Samyel 26:11

Me SENYER ava pini mwan, si mon met lanmen lo sa enn ki SENYER in konsakre. Aprezan, mon demann ou pran sa lans ki pre avek son latet ek sa gargoulet delo e annou ale.”