Psonm 16:7 - Labib An Kreol Seselwa

⁷ Mon loue SENYER ki konsey mwan. Mon konsyans i gid mwan, menm dan lannwit.

Psonm 16:7 Referans Kwoze

Psonm 73:24

Ou kondwir mwan par ou bann konsey; apre, ou ava akey mwan dan laglwar.

Ezai 50:4

Senyer BONDYE in ansenny mwan pour ankouraz sa ki feb, avek en bon parol. Tou le bomaten, i fer mon zorey drese; mon zorey i drese pour ekoute parey en disip.

Psonm 77:6

Aswar, mon reflesir atraver mon lanmizik; mon mazinen, mon demann dan mwan menm:

Psonm 17:3

Ou konn fon mon leker. Dan lannwit ou'n vey lo mwan. Menm si ou'n teste mwan, ou pa'n war nanryen mal. Dan mon labous pa'n sorti nanryen ki move.

Psonm 63:6

Ler mon alonze lo mon lili, mon mazin ou. Mon pas tou lannwit mazin ou,

Psonm 42:8

Lizour, SENYER i montre mwan son fidelite. Aswar, mon sant pour li, mon priy Bondye ki donn mwan lavi.

Ezai 48:17

La sa ki SENYER ou Sover, Bondye Sen Izrael i deklare: Mwan SENYER, ou Bondye. Mon ansenny ou pour ou prop dibyen; mon kondwir ou lo semen ki ou devre swiv.

Ezai 26:9

Pandan lannwit, mon rod ou avek tou mon leker. Mon lespri i rod ou avek en dezir profon. Akoz ler ou aplik zizman lo later, bann zabitan lemonn i aprann pratik lazistis.

Proverb 8:14

Mon donn bon konsey ek bon rezonnman. Mon annan bon rezonnman, mon annan lafors.

Psonm 119:55

SENYER! Dan lannwit, mon apel ou non pour mwan obei ou lalwa.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Levanzil dapre Lik 6:12

Dan sa letan, Zezi ti al lo montanny pour priye. I ti priy Bondye tou lannwit.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Psonm 119:7

Mon pou loue ou avek tou mon leker, an mezir ki mon pou etidye ou bann desizyon ki zis.

Psonm 119:148

Mon lizye i reste ouver tou lannwit, pour mwan medit lo ou parol.

Psonm 77:2

Kan mon dan maler, mon tourn ver SENYER. Dan lannwit, mon reste lanmen anler, san repo; mon refize ganny konsole.

Psonm 22:2

Mon Bondye! Mon Bondye! Lizour mon apel ou, me ou pa reponn. Dan lannwit mon kriye, e mon pa ganny repo.

Zeremi 12:2

Ou'n plant zot e zot in pran rasin; zot grandi e zot prodwi bann fri. Zot touzour pe dir dibyen lo ou. Selman, zot leker i lwen avek ou.

Psonm 73:21

Ler mon leker ti dan lapenn, mon ti santi mwan konpletman desire.