Psonm 15:2 - Labib An Kreol Seselwa

² Sa enn ki san repros, ki fer sa ki byen, ki dir laverite e son leker i onnet;

Psonm 15:2 Referans Kwoze

Proverb 28:18

Sa enn ki viv onnetman ava viv an sekirite; me sa enn ki anmenn en lavi doub, pou tonm dan enn bann latrap.

Kolosyen 3:9

Pa koz manti ant zot, akoz zot in abandonn zot vye natir avek son bann move pratik.

Efezyen 4:25

Pour sa rezon, rezet tou mansonz! Sakenn i devre dir laverite avek son prosen, akoz nou tou, nou manm en menm lekor.

1 Zan 3:7

Mon bann zanfan! Pa les personn tronp zot. Sa enn ki pratik lazistis, li osi i zis, parey Zezi-Kri li menm i zis.

1 Zan 2:6

Sa enn ki dir ki i ini avek li, i devre mars dan menm semen kot li menm in marse.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Akt de Zapot 10:35

me dan nenport ki nasyon, tou dimoun ki annan respe pour li e ki fer sa ki byen, Bondye i kontan zot.

Mise 2:7

Fanmir Zakob, konmsa ki zot koze? Eski pasyans SENYER in fini? Konmsa ki i azir? Mon parol pa fer dibyen bann ki mars dan bon semen.

Psonm 24:4

Sa enn ki lanmen i prop e leker i pir; ki pa aksepte mansonz e ki pa fer fo promes pour tronp dimoun.

Ebre 11:33

Par lafwa, zot ti ganny laviktwar lo bann rwayonm; zot ti etabli lazistis e ganny sa ki Bondye ti'n promet: I ti ferm lagel bann lyon,

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Galat 2:14

Kan mon ti war ki zot ti pe mal fer, e ki zot fason azir pa ti dapre laverite Bonn Nouvel, mon ti dir avek Pyer devan tou dimoun ki ti la: Si ou ki Zwif, ou viv parey bann non-Zwif, e non pa parey Zwif, ki mannyer ou, oule fors bann non-Zwif viv parey bann Zwif?

Romen 2:10

Par kont, pou annan laglwar, loner ek lape pour tou dimoun ki pratik sa ki byen, Zwif dabor, me osi pour bann non-Zwif,

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Ezai 63:8

Akoz i ti'n dir: San okenn dout, i mon pep; mon bann zanfan ki pa pou fer frod e i ti vin en sover pour zot,

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Proverb 20:7

Sa enn ki zis i viv onnetman; zanfan ki vin apre li pou byennere.