Psonm 128:3 - Labib An Kreol Seselwa

³ Dan ou lakaz, ou fanm i parey en pye rezen ki raport bokou rezen. Ou bann zanfan i parey bann brans zoliv otour ou latab.

Psonm 128:3 Referans Kwoze

Ezekyel 19:10

Ou manman ti parey en pye rezen ki'n ganny plante obor en larivyer. Akoz i ti ganny bokou delo, son bann brans ti tale e sarze avek fri.

Psonm 52:8

Me mwan, mon parey en pye zoliv ver dan tanp Bondye. Mon met mon konfyans dan fidelite Bondye pour touzour.

Romen 11:24

Ou ki en non-Zwif, ou parey en brans zoliv maron ki Bondye in koupe e grefe lo en pye zoliv fran, kontrer avek ou natir. Ou ki en Zwif, ou en brans natirel en pye zoliv fran. Alor, Bondye ava kapab regref ou lo ou prop pye.

Zenez 49:22

Zozef i parey en plant fertil ki pous obor en sours; son bann brans i depas miray.

Zeremi 11:16

Otrefwa, SENYER ti donn ou, ou pye zoliv ki annan zoli fey e ki plen avek bann zoli fri. Me dan milye en gran tanpet, SENYER pou met dife avek sa pye zoliv e tou son bann brans pou ganny brile konpletman.

Psonm 144:12

Konmsa, nou bann garson ava parey bann pye dibwa ki'n pouse depi zot ti pti. Nou bann fiy ava parey kolonn skilpte ki soutenir en pale.

Psonm 127:5

Byennere, sa zonm ki annan bokou zanfan. I pa pou kanmi kan i pou bezwen afront son lennmi devan laport lavil.

1 Kronik 8:40

Bann garson Oulanm ti brav gerye, tirer fles ki ti annan en kantite garson ek pti zanfan; 150 an tou. Sa ti bann desandan Benzamen.

Psonm 127:3

Zanfan i en trezor ki SENYER i donnen; en rekonpans pour en manman.