Psonm 127:1 - Labib An Kreol Seselwa

¹ Si SENYER pa konstri lakaz, bann konstrikter i travay anven. Si SENYER pa gard lavil, bann gardyen i vey anven.

Psonm 127:1 Referans Kwoze

Proverb 16:9

Leker imen i fer bann plan; me SENYER ki diriz son aksyon.

1 Korentyen 3:7

Alor, pa sa enn ki plante, oubyen sa enn ki aroze ki enportan; me Bondye ki fer pouse.

Psonm 124:1

Si SENYER pa ti dan nou kote, Izrael! Repete!

Ezai 62:6

Zerizalenm! Mon'n plas bann santinel lo miray; lizour koman lannwit zot pou veye san poze. Fer SENYER rapel son bann promes; napa repo pour zot.

1 Kronik 28:10

Fer atansyon aprezan, akoz SENYER in swazir ou pour konstri en lakaz koman son sanktyer. Pa per pour azir.

Zeremi 51:12

Donn sinyal pour atake! Ogmant kantite santinel! Met bann zonm dan maske, pare pour zot atak dimoun ki oule sove. Wi! SENYER in akonpli sa ki i ti dir i pou fer kont bann zabitan Babilonn.

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

1 Korentyen 15:14

Si Kris pa'n resisite, sa ki nou prese i anven e zot pe kwar san vid.

Psonm 121:1

Mon lev mon lizye ver bann montanny. Kote mon sekour pou sorti?

Psonm 123:1

Mon lev mon lizye ver ou ki asize lo ou tronn dan lesyel.

Psonm 120:1

Dan mon detres, mon ti kriy ver SENYER e i ti reponn mwan.

Psonm 125:1

Sa enn ki met son konfyans dan SENYER, i parey montanny Siyon: Personn pa kapab bouz li; i reste la pour touzour.

Psonm 78:69

La, i ti konstri son sanktyer parey sa enn ki lo montanny. I ti fer son fondasyon solid pour touzour, parey later.

Ezai 56:10

Bann santinel dan Izrael pa war kler; zot pa konn nanryen; zot tou, zot parey bann lisyen trankil; zot pa ni kapab aboye; zot tal zot ater dan rev, zot kontan zis dormi.

Eklezyas 9:11

Mon'n osi dekouver anba soley, ki dan en paryaz pa sa ki pli rapid ki gannyen; laviktwar pa vin pour sa enn ki pli vayan; dipen pa vin pour sa ki pli saz e larises pour sa ki pli entelizan, ni faver pour sa ki pli savan, akoz tou i depann lo letan ek sirkonstans.

Psonm 126:1

Zour SENYER ti retabli Zerizalenm, nou ti krwar ki nou ti pe reve.

Psonm 122:1

Mon ti dan lazwa kan zot ti dir mwan: Annou al dan tanp SENYER.

Ezai 27:3

Mwan SENYER, ki gardyen sa plantasyon rezen. Mon aroz li toultan. Mon vey lo li lizour koman lannwit. Konmsa, personn pa kapab fer li ditor.

1 Kronik 29:19

Donn mon garson Salomon en leker ki ava touzour obeir tou ou komannman, tou ou lalwa, tou ou regleman; konmsa, i ava kapab konstri sa tanp pour ki mon'n fer tou bann preparatif.

Galat 4:11

Mon per ki tou sa travay ki mon'n fer pour zot i anven.

Kantik Salomon 5:7

Bann gardyen ki fer laronn otour lavil ti war mwan; Zot tap mwan, zot bles mwan; zot pran mon manto.

Kantik Salomon 3:3

Bann gard ki fer letour lavil ti war mwan; Eski zot in war sa enn ki mon leker i kontan?

Zeremi 51:31

Enn deryer lot, bann mesaze pe taye pour dir lerwa Babilonn ki son lavil in ganny anvai par tou kote.

Psonm 72:1

Mon Bondye! Donn lerwa lasazes pour pas bon zizman. Donn sa garson lerwa lazistis.

Deterononm 8:18

Rapel byen SENYER, ou Bondye akoz ou lafors ek ou larises i sorti kot li. Konmsa, i ava etabli son lalyans ki i ti fer par en serman avek ou bann zanset; sa ki i pe fer ozordi.

Zozye 2:2

Lerwa Zeriko ti ganny dir: Bann Izraelit in vini isi aswar pour espyonn pei.

1 Rwa 5:12

SENYER ti donn Salomon lasazes parey i ti'n promet li. Lape ti rennyen ant Salomon ek Hiranm e zot ti fer en lalyans ant zot.