Psonm 11:5 - Labib An Kreol Seselwa

⁵ SENYER i teste dimoun ki zis. I deteste sa enn ki kontan vyolans.

Psonm 11:5 Referans Kwoze

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

1 Pyer 4:12

Mon bann zanmi! Pa bezwen etonnen par bann gran soufrans ki zot pe pas ladan. Napa nanryen ekstraordiner dan sa ki pe ariv zot.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

Psonm 26:2

Teste mwan, SENYER! Egzamin mwan, mon lespri ek mon leker.

Psonm 7:9

Bondye ki zis! Ou ki egzamin sa ki pase dan mon lespri e dan mon leker, fer fini mesanste bann malfeter. Ankouraz sa bann ki fer dibyen.

Zenez 22:1

Apre, Bondye ti teste Abrahanm. I ti dir li, “Abrahanm!” Abrahanm ti reponn, “Wi, la mon la.”

Psonm 21:8

Ou pou met lanmen lo tou ou bann lennmi. Par ou lafors ou pou atrap sa bann ki annan laenn pour ou.

Zakari 11:8

Apre zis en mwan, mon ti sas sa trwa berze. Apre, mon ti perdi pasyans avek bann mouton. Zot osi, zot ti deteste mwan.

Zeremi 12:8

Mon prop pep ki mon'n swazir in vir kont mwan. Parey en lyon dan lafore, in kriy avek mwan. Sa i fer mwan deteste li.

Psonm 139:1

SENYER! Ou'n egzamin mwan e ou konn mwan.

Psonm 17:3

Ou konn fon mon leker. Dan lannwit ou'n vey lo mwan. Menm si ou'n teste mwan, ou pa'n war nanryen mal. Dan mon labous pa'n sorti nanryen ki move.

Psonm 10:3

I vant son lekor akoz son bann move dezir. Akoz in reisi, i gognard SENYER e mepriz li.

Malasi 3:3

Parey kan en fonder metal i asiz pour li fonn e pirifye lor ek larzan, SENYER pou pirifye bann desandans Levi. Alor, zot ava kapab ofer lofrann dapre lareg ki'n ganny etabli.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Psonm 5:6

Ou detri bann ki koz manti. SENYER i deteste bann kriminel ek bann voler.

Zeremi 20:12

SENYER liniver! Ou teste bann ki fidel anver ou. Ou teste zot leker ek zot lespri. Mon'n plas mon problenm dan ou lanmen. Fer mwan war ou vanzans lo zot, akoz mon'n konfye mon problenm i dan ou lanmen.