Proverb 4:7 - Labib An Kreol Seselwa

⁷ Pour vin en saz, konmans par ganny lasazes. Donn tou sa ki ou posede pour ou ganny disernman.

Proverb 4:7 Referans Kwoze

Eklezyas 7:12

Lavantaz ki lasazes i anmennen i parey lavantaz larzan; konnesans i en lavantaz; i prezerv lavi bann saz.

Proverb 23:23

Kiltiv laverite e pa vann li; kiltiv lasazes, lenstriksyon ek disernman.

Proverb 16:16

Vomye posed lasazes plito ki lor; vomye annan disernman plito ki larzan.

Filipyen 3:8

Wi! Mon menm konsider tou keksoz koman en pert, konpare avek sa byen ki bokou pli siperyer: konnesans Zezi-Kri mon Senyer. Pour li, mon pa'n rod okenn avantaz personnel. Mon konsider tousala koman salte, pour mwan ganny Kris,

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

Psonm 119:104

Ou bann direktiv i rann mwan saz. Alor, mon deteste tou semen mansonz.

Levanzil dapre Lik 10:42

En sel keksoz i neseser. Mari in swazir sa meyer par ki personn pa pou ganny pran avek li.”

Proverb 21:6

Sa enn ki vin ris par mansonz, son bann aki napa valer

Eklezyas 4:8

En zonm i tousel; i napa ni zanfan, ni frer, me i travay san pozman. Son lizye pa zanmen fatige war larises. Alor, pour ki i pe travay e pe priv son lekor? Sa i vanite e en move sityasyon pour viv ladan.

Proverb 4:5

Rod lasazes, rod disernman; pa oubliye, ni elwanny ou avek bann parol ki sorti dan mon labous.

Proverb 8:23

In etabli mwan depi touzour, depi konmansman, avan ki later ti ganny kree.

2 Kronik 1:10

Alor, donn mwan lasazes ek konnesans pour mwan kapab gouvern ou pep. Lekel ki kapab gouvern ou pep, en pep osi gran?”

Proverb 2:4

si ou rod lasazes parey ou rod larzan; si ou rod li parey ou rod en trezor,