Proverb 10:3 - Labib An Kreol Seselwa

³ SENYER pa les sa enn ki zis mor lafen. Me i anpes en malfeter ganny sa ki i anvi.

Proverb 10:3 Referans Kwoze

Psonm 37:25

Mon ti zenn, ozordi mon'n vye. Zanmen mon'n war en dimoun zis ganny abandonnen, ni son bann zanfan pe mandyan manze.

Psonm 37:3

Met ou konfyans dan SENYER e fer sa ki byen. Alor, ou ava viv anpe e an sekirite dan sa pei.

Sofoni 1:18

Ni zot larzan, ni zot lor pa pou kapab sov zot. Dife son zalouzi pou devor later antye. Sa pou en destriksyon terib. Tou zabitan later pou ganny eksterminen.

Psonm 37:19

Zot pou gard latet byen o dan maler. Dan letan lafanmin, zot pou annan dekwa manze.

Psonm 33:19

pour delivre li dan lanmor e gard li vivan menm dan letan lafanmin.

Liv Zob 5:20

Dan lafanmin, i pa pou les ou mor; dan lager i pa pou les ou ganny touye.

Levanzil dapre Lik 12:31

Rod plito Rwayonm Bondye, e zot ava ganny tou sa bann keksoz osi.”

Ezai 33:16

Sa dimoun pou viv lo oter. I pou viv an sekirite dan kavern ros. Son dipen pou touzour la; son delo pou touzour la.

Proverb 14:32

Malfeter i ganny kraze par son prop mesanste; me sa enn ki zis i gard konfyans menm devan lanmor.

Psonm 112:10

Malfeter i mekontan ler zot war sa. Zot ankoler e zot grens zot ledan. Lespwar malfeter pou disparet.

Liv Zob 20:28

Zour lakoler Bondye pou leve, en lavalas pou balye tou sa ki i posede.

Psonm 10:14

Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

Proverb 13:25

Sa enn ki zis i annan ase manze pour satisfer son lapeti. Me vant bann malfeter i reste vid.

Proverb 28:9

Sa enn ki bous son zorey pour li pa antann sa ki lalwa i dir, menm son lapriyer i donn degou.

Proverb 28:25

En dimoun arogan i provok bann dispit; me sa enn ki fer konfyans dan SENYER pour vin ris.

Liv Zob 15:23

I marse pour al rod dipen. I konnen ki bann zour fernwanr pe esper li.