Nonm 19:13 - Labib An Kreol Seselwa

¹³ En dimoun ki tous en kadav e ki pa ganny pirifye, pou rann tanp SENYER enpir. I devret ganny met an deor kominote pep Izrael, akoz i pa'n vers delo pirifikasyon lo li. I pou reste dan son leta enpir.

Nonm 19:13 Referans Kwoze

Levitik 15:31

Konmsa, kan zot dan sa leta enpir, zot ava demann pep Izrael pour reste alekar. Alor, zot pa pou riske lanmor pour sali mon sanktyer ki parmi zot.

Levitik 22:3

Dir zot: Si dan bann zenerasyon fitir, en zonm sorti dan fanmir bann pret i apros bann lofrann sakre ki pep Izrael in ofer mwan, alor ki i dan en leta enpir, sa zonm pou ganny retire pour touzour dan mon servis. Mwan menm SENYER.

Levitik 7:20

Me en dimoun ki dan en leta enpir, e ki manz lavyann sakrifis lape ki'n ganny ofer devan SENYER, i ava ganny rezete parmi son fanmir.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

Revelasyon 22:11

Malfeter ava kontinyen pratik plis lemal. Dimoun sal ava kontinyen reste dan zot salte. Sa enn ki bon ava kontinyen pratik plis sa ki byen e sa enn ki sen ava kontinyen vin touzour pli sen.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Levanzil dapre Zan 8:24

Pour sa rezon ki mon'n dir ki zot pou mor dan zot pese. Annefe, zot pou mor dan zot pese si zot pa krwar ki mwan; mon sa enn ki egziste depi touzour.”

Proverb 14:32

Malfeter i ganny kraze par son prop mesanste; me sa enn ki zis i gard konfyans menm devan lanmor.

Nonm 19:20

Dimoun ki vin enpir e ki pa fer rityel pirifikasyon, pou ganny met deor kominote Izrael. Annefe, zot pou rann Latant SENYER enpir, akoz zot pa'n ganny asperze avek delo pirifikasyon; zot pou reste enpir.

Nonm 19:18

En dimoun ki pir, ava pran en brans izop, tranp li dan sa delo e fer aspersyon lo latant, lo tou bann resipyan, lo tou dimoun ki la, lo sa enn ki'n tous sa kadav, e osi swa lo sa zonm ki'n ganny touye, swa lo sa lekor mor, ou swa sa latonm.

Nonm 19:9

En zonm ki pir, ava ranmas lasann sa bef e depoz li dan en landrwa pir, an deor kan. Pep Izrael ava servi sa lasann pour pirifye delo ki pou servi pour pirifikasyon. Sa i ava en sakrifis pour pardon pese.

Nonm 15:30

Me si en natif Izraelit oubyen en etranze i fer en pese volonter, i komet en lofans anver SENYER, pou napa pardon pour li. I devret ganny pouse dan kominote.

Nonm 8:7

La koman ou ava fer rityel pirifikasyon: Fer aspersyon delo pirifikasyon lo zot; les zot raz zot lekor, lav zot lenz e pirifye zot.

Levitik 20:3

Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Levitik 5:17

Sa enn ki fer pese kont enn sa bann komannman SENYER, menm si i fer li enkonsyanman, i koupab e i ava responsab pour son fot.

Levitik 5:6

An reparasyon pour sa pese ki i'n komet, i ava anmenn en femel mouton oubyen en kabri ki i'n pran parmi son troupo, koman sakrifis devan SENYER pour pardon son pese. Pret ava fer rityel pardon pour son pese.

Levitik 5:3

Si en dimoun, enkonsyanman, i tous nenport keksoz ki sorti avek en imen ki enpir, oubyen nenport keksoz ki rann enpir, ler i realize, i ava koupab.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.

Levitik 7:21

Nenport ki parmi zot ki tous en keksoz enpir, swa en imen, en zannimo, ouswa nenport lezot keksoz enpir, e sa enn ki manz lavyann sakrifis lape pour SENYER, ava ganny rezete parmi son fanmir.

Nonm 19:14

La en lot lalwa: Ler en dimoun i mor dan en latant, dimoun ki antre dan sa latant, pou vin enpir pandan set zour, parey sa bann ki ti dan sa latant.

Nonm 19:19

Lo trwazyenm zour e lo setyenm zour, sa enn ki pir ava fer laspersyon delo lo sa bann dimoun ki enpir. Zot pou ganny pirifye lo setyenm zour. Apre, i ava lav son lenz ek son lekor dan delo e aswar, i ava vin pir.

Ezekyel 44:26

Apre son pirifikasyon, i ava esper set zour.

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Levitik 22:4

Personn parmi bann desandan Aaron ki annan en maladi ki parey lalep oubyen ki annan en desarz, pa pou kapab manz bann lofrann sakre, ziska ki i'n pirifye li. Sa i aplik osi pour sa enn ki'n tous en kadav, sa enn ki son sperm in koule,

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.