Nonm 10:10 - Labib An Kreol Seselwa

¹⁰ Dan bann lokazyon lafet parey nouvellin ek lezot lafet relizye, zot devre soufle bann tronpet pandan ki zot ofer zot sakrifis konplet, oubyen sakrifis remersiman. Konmsa, sa bann son tronpet ava en rapel pour zot devan zot Bondye. Mwan menm SENYER zot Bondye.

Nonm 10:10 Referans Kwoze

Psonm 81:3

Soufle tronpet ler nouvellin, ler plenn lin, pour nou lafet.

1 Tesalonisyen 4:16

Annefe, kan sinyal pou ganny donnen avek lavwa en larkanz, e son tronpet Bondye, Senyer li menm pou desann sorti dan lesyel, e bann ki'n mor dan Kris pou resisite an premye.

Nehemi 12:35

bann garson bann pret avek bann tronpet, Zakari, garson Zonatan, garson Semaya, garson Matanya, garson Mise, garson Zakour, garson Asaf,

Esdras 3:10

Kan bann travayer ti poz fondasyon tanp SENYER, bann pret dan zot rob seremoni ti avans devan avek zot tronpet, e bann levit, bann garson Asaf, avek zot senbal, ti rann glwar SENYER dapre bann direktiv donnen par David, lerwa Izrael.

2 Kronik 29:28

Lasanble antye ti prosternen, pandan ki bann santer ti sante e bann mizisyen ti zwe tronpet, ziska ki sakrifis konplet ti fini brile.

2 Kronik 29:26

Bann levit ti pran zot plas avek zot lenstriman lanmizik ki David ti'n fer fabrike, tandis ki bann pret ti pran plas avek zot tronpet.

Nonm 10:9

Ler zot sorti dan zot pei pour al lager kont lennmi ki pe atak zot, soufle sinyal lager lo sa bann tronpet. Konmsa, SENYER zot Bondye, pa pou oubliy zot e i ava vin delivre zot kont zot lennmi.

Akt de Zapot 10:4

I ti get lanz avek lafreyer. I ti dir, “Ki i annan Senyer?” Lanz ti reponn li, “Bondye in ekout ou bann lapriyer e in war ou bann lomonn anver bann pov. I pa'n oubliy ou.

Matye 11:28

Vin kot mwan zot tou ki fatige anba en fardo; mwan, mon ava donn zot repo.

Psonm 89:15

I byennere sa pep ki konn sant zot lazwa, ki viv dan lalimyer ou prezans, SENYER.

2 Kronik 7:6

Bann pret ti pran zot pozisyon. Bann levit ti zwe an loner SENYER, lenstriman lanmizik ki lerwa David ti'n fer pour selebre SENYER: Akoz son fidelite i pour touzour. Bann pret ki ti anfas, ti sonn tronpet e tou pep Izrael ti lev debout.

1 Kronik 16:42

Hemann ek Yedoutoun ti annan tronpet ek senbal avek lezot lenstriman lanmizik pour akonpanny kantik. Bann garson Yedoutoun ti servi koman portye.

1 Kronik 15:28

Alor, Izrael antye ti fer monte Kof Lalyans SENYER avek rezouisans avek rezonnman kor, tronpet, ek senbal, e avek lakonpannyman laarp ek lir.

1 Kronik 15:24

Bann pret Sebanya, Zozafat, Netaneel, Amasai, Zekarya, Benaya, ek Eliezer ti zwe tronpet devan Kof Lalyans Bondye. Obed-Edonm ek Yehiya ti osi portye pour Kof Lalyans.

Zozye 4:7

Zot ava reponn ki delo larivyer Zourden ti koup an de devan Kof Lalyans SENYER. Kan Kof ti pas dan larivyer Zourden, delo Zourden ti koup an de. Konmsa, sa bann ros ava vin en memoryal pour bann Izraelit.

Nonm 29:1

Premye zour, setyenm mwan, zot ava fer en rasanbleman sakre. Zot pa pou travay sa zour. I ava en zour lafet.

Levitik 23:24

Dir avek pep Izrael: Premye zour, setyenm mwan, ou ava obzerv en zour repo konplet. Sa i ava en zour souvenir, avek laklamasyon dan en lasanble sakre.

Egzod 28:29

Kan Aaron ava'n antre dan sanktyer, i ava port lo son leker, non bann garson Izrael, grave lo pektoral zizman; sa i ava en memoryal pour touzour devan SENYER.

Revelasyon 22:17

Lespri ek Nouvel Marye i dir: Vini! Ou ki tande, dir: Vini! Sa ki swaf, vini! Sa ki anvi, vin pran delo lavi gratwitman!

1 Tesalonisyen 4:18

Alor, konsol kanmarad avek sa bann parol.

1 Korentyen 15:52

dan en pti moman, dan en klendey, kan dernyen tronpet pou soufle. Annefe, tronpet pou soufle e bann mor pou resisite imortel; e nou, nou pou ganny transformen.

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.

Psonm 150:3

Loue li avek son bann tronpet! Loue li avek lalir ek laarp!

Egzod 30:16

Ou ava pran sa larzan taks avek pep Izrael, e ou ava itiliz li pour servis Latant Rankont. Pour bann Izraelit, i ava en memoryal devan SENYER koman en taks pour zot lavi.

Nonm 28:11

Lo konmansman sak mwan, zot ava ofer SENYER en sakrifis konplet: De toro, en mouton mal, set mouton enn an, san defo.

1 Samyel 20:5

David ti reponn li, “Demen i lafet nouvellin. Mon devre al manz avek lerwa. Me les mwan ale. Mon ava al kasyet dan lakanpanny ziska trwazyenm swar.

2 Rwa 4:23

Son mari ti demann li, “Akoz fodre ki ou al war li ozordi? I pa ni nouvellin, ni saba.” I ti reponn, “Tou i byen.”

Zozye 6:4

Set pret avek tronpet korn bouk, ava mars devan Kof lalyans. Setyenm zour, zot ava fer set letour lavil e bann pret ava soufle tronpet.

Psonm 81:4

Annefe, sa i en lalwa pour pep Izrael, en desizyon sorti kot Bondye Zakob.