Mise 7:8 - Labib An Kreol Seselwa

⁸ Ou mon lennmi! Pa rezoui lo mwan. Si mon'n tonbe, mon pou leve. Si mon pe asiz dan fernwanr, SENYER i mon lalimyer.

Mise 7:8 Referans Kwoze

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Ezai 9:2

Lepep ki ti pe marse dan fernwanr in war en gran lalimyer. Bann ki ti pe viv dan en pei fernwanr, en lalimyer ti briye lo zot.

Psonm 112:4

Menm dan fernwanr, lalimyer i briye pour bann ki drwat. I ranpli avek konpasyon; i bon e i zis.

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Abdyas 1:12

Edonm! Ou pa ti devre kontan zour maler ou frer, zour son maler. Ou pa ti devre rezoui lo move sor garson Zida, zour zot maler. Ou pa ti devre rezoui son detres.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Psonm 38:16

Mon demann ou: Pa les zot riy mwan! Pa les zot rezoui kan mon fer en fo pa.

Revelasyon 22:5

Pou nepli annan lannwit. Zot pou nepli bezwen ni lalimyer en lalanp, ni lalimyer soley, akoz Senyer Bondye pou vin zot lalimyer. Zot pou renny pour touzour.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Liv Zob 31:29

Si mon'n kontan maler mon lennmi, oubyen pran plezir ler in tonm dan maler,

Psonm 97:11

En lalimyer pe leve pour sa enn ki obei Bondye; lazwa i ranpli leker sa enn ki pir.

Ezekyel 35:15

Akoz ou ti montre kontantman kan ou ti war patrimwann mon pep Izrael ganny devaste, mon pou fer parey avek ou. Rezyon montanny Seir ek Edonm antye, pou ganny devaste. Alor, zot ava konnen ki mwan menm SENYER.

Psonm 35:19

Pa les mon bann lennmi riy mwan. Pa les sa bann ki ay mwan san rezon get mwan avek mepri.

Levanzil dapre Zan 16:20

Mon dir zot, sa i laverite: Zot pou plere e lamante, me lemonn pou kontan. Zot pou tris, me zot tristes pou sanz an lazwa.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Ezekyel 25:6

La sa ki Senyer BONDYE i deklare: Akoz ou'n bat lanmen, ou'n danse, ou'n pile, ou'n selebre depi dan fon ou leker lo maler Izrael,

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

Amos 9:11

La sa ki SENYER i deklare: Sa zour pe vini kan mon pou rekonstri lavil David ki'n tonm anrin parey en payot. Sa zour la, mon pou repar li, mon pou remet li debout. Mon pou rekonstri li e retourn li parey i ti ete avan.

Matye 4:16

Lepep ki ti pe asiz dan fernwanr, in war en gran lalimyer. Pour bann ki ti pe asiz dan pei, dan fernwanr lanmor, en lalimyer in leve parmi zot!

Zeremi 50:11

Pep Babilonn! Ou kontan, ou dan lazwa. Ou'n pran tou sa ki pour mwan. Ou pe sote parey en zenis dan laplenn; ou kriye parey en seval.

Ezai 49:9

pour ou dir avek bann prizonnyen: Sorti! Avek dimoun ki viv dan fernwanr: Montre zot! Zot pou kapab ganny nouri dan semen e lo bann montanny.

Ezai 2:5

Desandan Zakob! Vini! Annou mars dan lalimyer SENYER! Larogans pou ganny detri.

Psonm 37:24

Si i perdi lekilib i pa tonbe, akoz SENYER i atrap son lanmen.

Psonm 37:21

Malfeter i demann pret larzan me zanmen i rann. Sa enn ki obei SENYER i annan pitye e i touzour partaze.

Revelasyon 21:23

Lavil pa bezwen ni soley, ni lalin pour ekler li, akoz laglwar Bondye i son lalimyer, e Zenn Mouton i son lalanp.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

2 Korentyen 4:9

Nou ganny persekite, me nou pa ganny abandonnen. Nou ganny kraze, me nou pa ganny detri.

Psonm 20:8

Alor, zot pou pliye e tonbe. Me nou, nou pou reste debout.

Zeremi 8:4

Al dir sa avek lepep: La sa ki SENYER ti deklare: Kan en dimoun i tonbe, pa i leve? Kan i pran en move semen, pa i retournen pour li repran bon semen?

Zeremi 48:27

Moab! Ou ti abitye mepriz pep Izrael. Ou ti sanble pran li pour en voler. Annefe, sak fwa ki ou ti koz lo li, ou ti sekwe ou latet avek degou.

Ezekyel 36:5

Alor, la sa ki Senyer BONDYE i deklare: Avek tou pasyon mon lakoler, mon pronons bann menas kont lezot nasyon e kont Edonm antye. Dan lazwa e san kanmi, sa bann nasyon, zot in pran mon pei e depouy li.

Mise 4:10

Zabitan Zerizalenm! Pliy an de e plennyen, parey en fanm dan lakousman. La aprezan, ou ava kit lavil pour al kanpe dan laplenn, ou pou al Babilonn. Apre, ou ava ganny delivre. Laba, SENYER ava sov ou dan lanmen ou bann lennmi.

Zakari 12:8

Sa zour, SENYER pou protez bann zabitan Zerizalenm. Konmsa, sa enn ki pli feb parmi zot, ava parey David e desandan David pou vin parey Bondye pour zot, parey lanz SENYER ki mars devan zot.

Psonm 143:3

Mon bann lennmi i pourswiv mwan. Zot in kraz mon lavi ater e zot in fer mwan asiz dan fernwanr parey dimoun ki'n mor depi lontan.