Mise 1:4 - Labib An Kreol Seselwa

⁴ Bann montanny pou fonn anba son lepa, e bann vale pou ouver. Zot pou fonn parey lasir devan dife, parey delo ki koule lo en lapant.

Mise 1:4 Referans Kwoze

Nahoum 1:5

I fer tranble bann montanny, e fer fonn bann kolin. Dan son prezans, later i boulverse, e lemonn antye avek tou son zabitan.

Psonm 97:5

Bann montanny i fonn parey lasir devan SENYER ki gouvern later antye.

Habakouk 3:10

Bann montanny i war ou, zot tranble avek lafreyer. Lapli i tonm avek lafors; losean i ronfle. I anvoy son laroul anler.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Amos 9:5

Senyer, BONDYE liniver i tous later e later i fonn. Tou bann zabitan later i met dey. Later i monte e i desann parey larivyer Nil dan Lezip.

Ziz 5:4

SENYER! Ler ou ti sorti Seir, ler ou ti marse depi rezyon Edonm, later ti tranble, lapli ti tonbe, bann nyaz ti devers delo,

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Zakari 14:4

Sa zour, i pou poz son lipye lo Montanny Zolivye ki lo kote Les Zerizalenm. Montanny Zolivye pou fann an de e form en gran vale dan direksyon Les-Was. Lanmwatye montanny pou rekil dan Nor e lot lanmwatye dan Sid.

Psonm 68:2

Parey lafimen, ou fer zot disparet. Parey lasir devan dife, ou fer zot fonn. Bann malfeter pou disparet devan Bondye.

Psonm 46:6

Bann nasyon i dan lafreyer; bann rwayonm i tranble. Ler Bondye i fer tande son lavwa, later i fonn.