Let Zak 1:8 - Labib An Kreol Seselwa

⁸ Annefe, sa dimoun pa konnen kwa ki i pou swazir; i enserten dan sa ki i fer.

Let Zak 1:8 Referans Kwoze

1 Rwa 18:21

Eli ti apros lepep. I ti dir zot, “Ziska kan zot pou koup de kote. Si SENYER i Bondye, swiv li, me si Baal ki Bondye, swiv li.” Personn pa ti reponn.

Matye 6:24

Personn pa kapab servi de met. Annefe, swa i pou ay enn e kontan lot; swa i pou devoue anver enn e mepriz lot. Ou pa kapab servi Bondye ek larzan anmenmtan.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

2 Pyer 2:14

Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

2 Rwa 17:41

Alor, sa bann nasyon ti ador SENYER e anmenmtan zot ti ador zot bann stati. Ziska ozordi, zot bann zanfan ek tou zot desandans, pe kontinyen fer parey zot zanset ti fer.

2 Pyer 3:16

Annefe, i koz lo sa size dan tou son bann let. I annan serten pasaz difisil pour konpran, ki serten dimoun inyoran san formasyon, i deform son sans. Zot fer parey avek lezot parti Lekritir. Sa i pour zot prop pert.

2 Rwa 17:33

Alor, zot ti ador SENYER, me anmenmtan zot ti ador zot bann prop bondye, dapre koutim bann nasyon kot zot sorti.

Oze 10:2

Zot leker pa senser. Aprezan, zot pou bezwen peye. Zot bann lotel pou ganny kraze. Zot bann ros sakre pou ganny detri.

Matye 6:22

Lizye i lalanp ou lekor. Alor, si ou lizye i an bonn sante, ou lekor antye pou dan lalimyer.

Psonm 119:113

Mon deteste dimoun ki pa kapab deside e mon kontan ou lalwa.

Let Zak 1:7

Fodre pa ki sa dimoun i mazinen ki i pou ganny okenn keksoz avek Senyer.