Let Zak 1:17 - Labib An Kreol Seselwa

¹⁷ Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

Let Zak 1:17 Referans Kwoze

Levanzil dapre Zan 3:27

Zan ti reponn, “Personn pa kapab ganny nanryen si pa lesyel ki donn li.

Matye 7:11

Si zot, move koman zot ete, zot konn donn zot zanfan bann bon keksoz, a pli fort rezon zot Papa ki dan lesyel, ava donn bon keksoz sa bann ki demann li.

Ebre 13:8

Zezi-Kri i reste parey, yer, ozordi, demen e pour touzour.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

1 Zan 1:5

La mesaz ki nou'n tande sorti kot Zezi-Kri e ki nou'n anons zot: Bondye i lalimyer; dan li napa okenn fernwanr.

Proverb 2:6

Annefe, SENYER ki donn lasazes; konnesans ek larezon i sorti kot li.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

Malasi 3:6

Mwan, SENYER, mon pa sanze. Pour sa rezon ki zot, bann desandans Zakob, ki pa'n ganny eksterminen.

Efezyen 2:8

Annefe, par lagras ki zot in ganny sove, e akoz zot annan lafwa. Sa, pa rezilta zot prop zefor, me i en don Bondye.

Levanzil dapre Lik 11:13

Si zot, move koman zot ete, zot konn donn bon keksoz zot zanfan, zot Papa ki dan lesyel, i annan plis rezon pour donn son Lespri Sen tou dimoun ki demann li!”

1 Korentyen 4:7

Lekel ki fer ou diferan avek lezot? Ki ou posede ki ou pa ti resevwar? Alor, si ou'n resevwar, akoz ou vant ou lekor konmsi ou pa'n resevwar?

1 Zan 4:10

Lala kisisa lanmour: Pa nou ki'n kontan Bondye, me Bondye ki'n kontan nou e i'n anvoy son Garson koman en viktim, pour ki par li, nou bann pese i ganny pardonnen.

Efezyen 1:18

Mon priye pour ki i ouver zot lizye ver lalimyer, pour ki zot konpran sa lesperans ki i'n ofer zot; grander larises sa leritaz merveye ki i'n rezerve pour bann kretyen;

Levanzil dapre Zan 1:9

Laparol ti sa vre lalimyer. I'n vin dan lemonn pour ekler tou dimoun.

Revelasyon 21:23

Lavil pa bezwen ni soley, ni lalin pour ekler li, akoz laglwar Bondye i son lalimyer, e Zenn Mouton i son lalanp.

1 Kronik 22:12

SENYER ava donn ou disernman ek lentelizans; i ava etabli ou renny byen ferm lo Izrael, pour ki ou gard lalwa SENYER, ou Bondye.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Ezai 60:19

Soley pa pou ekler ou pandan lazournen, ni lalin pandan lannwit. Me SENYER li menm ki pou ou lalimyer pour touzour; laglwar Bondye ki pou ekler ou.

1 Samyel 15:29

Laglwar Izrael pa koz manti e i napa regre. I pa en et imen pour regrete.”

Zenez 41:16

Zozef ti reponn Faraon, “Pa mwan, me Bondye ki ava donn ou en lenterpretasyon favorab ou rev.”

Revelasyon 22:5

Pou nepli annan lannwit. Zot pou nepli bezwen ni lalimyer en lalanp, ni lalimyer soley, akoz Senyer Bondye pou vin zot lalimyer. Zot pou renny pour touzour.

Let Zak 1:5

Si parmi zot i annan enn ki mank lasazes, ki i demande e Bondye ava donn li. Annefe, Bondye i donn tou dimoun zenerezman san fer okenn repros.

Romen 6:23

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

1 Kronik 29:19

Donn mon garson Salomon en leker ki ava touzour obeir tou ou komannman, tou ou lalwa, tou ou regleman; konmsa, i ava kapab konstri sa tanp pour ki mon'n fer tou bann preparatif.

Nonm 11:17

Mon pou desann e koz avek ou dan sa landrwa. Mon pou pran en pe lespri ki dan ou e met lo zot. Zot ava anmenn en pe ou responsabilite; ou pa bezwen anmenn pwa sa fardo ou tousel”.

Let Zak 3:15

En lasazes parey, pa sorti dan lesyel, me i lasazes lemonn. I pa spirityel; i sorti kot dyab.

Ezai 45:7

Mwan ki fer lalimyer e kree fernwanr. Mon fer boner e mon fer maler. Mwan menm SENYER ki fer tousala.

Filipyen 1:29

ki'n akord zot sa privilez pour servi Kris. Pa zis pour krwar dan li, me osi pou soufer pour li.

Akt de Zapot 11:18

Apre ki zot ti'n antann sa bann parol, zot ti reste trankil e zot ti rann glwar Bondye. Zot ti dir: Alor i vre ki Bondye in donn bann ki pa Zwif, posibilite pour sanz zot fason viv e resevwar sa nouvo lavi!

Akt de Zapot 5:31

Bondye in elev li lo son kote drwat e i'n etabli li koman Sef ek Sover pour donn pep Izrael lokazyon pour sanz zot lavi e resevwar pardon zot pese.

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Ezai 28:26

Son Bondye ki'n montre li koman fer sa travay e i swiv bann lenstriksyon.

Psonm 122:6

Demann lape pour Zerizalenm. Bann ki kontan ou ava viv trankil.

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

Nonm 11:25

SENYER ti desann dan nyaz e koz avek Moiz. I ti pran en pe sa lespri ki ti lo Moiz e met li lo sa 70 ansyen. Kan lespri ti vin lo zot, zot ti profetize me zot pa ti kontinyen.

Psonm 85:12

SENYER ava li menm anmenn boner e nou pei ava prodwir plis.

Psonm 102:27

Me ou, ou reste touzour parey e ou lavi pa zanmen fini.

Psonm 136:7

In kree bann gran lalimyer; son fidelite i dire pour touzour.

Levanzil dapre Zan 3:3

Zezi ti reponn li, “Mon dir ou, sa i laverite: Personn pa pou antre dan Rwayonm Bondye si i pa pas par en nouvo nesans.”

1 Timote 6:16

I sa sel Bondye imortel. I reste dan lalimyer ki personn pa kapab aprose. Personn pa'n zanmen war li, ni kapab war li. I merit tou loner ek pwisans eternelman. Amenn.