Let Zak 1:15 - Labib An Kreol Seselwa

¹⁵ Alor, en fwa ki move dezir in ganny formen, i donn nesans pese, e kan pese in devlope, i anmenn lanmor.

Let Zak 1:15 Referans Kwoze

Psonm 7:14

Gete! I dan douler lanfantman pour mesanste; i ansent avek lenzistis e i donn nesans mansonz.

Liv Zob 15:35

Zot fer plan pou fer ditor; zot leker i ranpli avek tronpri.

Zenez 2:17

me fodre pa ki ou manz fri sa pye ki donn konnesans lebyen ek lemal, akoz zour ki ou manz sa fri, ou pou mor.

Ezai 59:4

Personn pa port plent dapre lazistis; personn pa defann dapre laverite; zot pled dan vid, zot koz manti; zot konsevwar sa ki mal e zot anmenn maler.

Zenez 3:6

Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

Matye 26:14

Apre sa, Zida Iskaryot, enn parmi sa 12 disip, ti al kot bann gran-pret.

Psonm 9:17

Bann malfeter pou al dan lemonn lanmor, parey tou bann nasyon ki oubliy Bondye.

2 Samyel 11:4

Alor David ti anvoy mesaze al sers li. I ti vini, e David ti dormi avek li. Apre i ti retourn se li. (I ti'n fek fini pirifye li apre son reg.)

Proverb 11:19

Sa enn ki fer sa ki zis pou viv; me sa enn ki prefer sa ki mal pou mor.

Ezai 33:11

Zot in fer proze ki parey zerb sek; ler zot realiz li, i zis lapay. Ou prop souf pou detri ou parey dife.

Matye 5:28

Me mwan mon dir zot: En dimoun ki get en fanm avek lanvi, i'n deza komet adilter avek li dan son leker.

Let Zak 1:14

An realite, tou dimoun i ganny tante kan i les li ganny antrennen e atire par son prop move dezir.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.