Lamantasyon 3:42 - Labib An Kreol Seselwa

⁴² Nou'n fer pese e nou'n revolte kont ou; me ou pa'n pardonn nou.

Lamantasyon 3:42 Referans Kwoze

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Zakari 1:5

Oli zot bann zanset? Eski sa bann profet zot touzour vivan?

Ezekyel 24:13

Zerizalenm! Ou bann aksyon imoral in sali ou. Menm ki mon ti oule pirifye ou, ou'n reste enpir. Ou pa pou ganny pirifye tan ki mon pa satisfer mon lakoler kont ou.

Lamantasyon 5:16

Nou kouronn in tonbe lo nou latet. Maler i lo nou akoz nou'n fer pese.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Psonm 107:11

Zot ti'n rebel kont komannman Bondye e rezet konsey sorti kot Bondye Toupwisan.

Zeremi 14:20

SENYER! Nou konnen e nou rekonnet ki nou ek nou bann zanset, nou'n mal azir kont ou.

Esdras 9:6

Mon ti dir li: Mon Bondye! Mon kanmi e mon onte pour lev mon lizye ver ou, mon Bondye; nou bann fot in ogmante lo nou latet, e nou tor in akimile ziska dan lesyel.

Danyel 9:15

Aprezan Senyer, nou Bondye, ou ki'n fer ou pep sorti Lezip par lafors ou lanmen e fer ou renonmen parmi ou pep ziska ozordi, nou'n fer pese, nou'n fer sa ki mal devan ou.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.