Ezai 1:16 - Labib An Kreol Seselwa

¹⁶ Lav zot! Pirifye zot! Tir sa bann move keksoz devan mwan. Aret fer sa ki mal.

Ezai 1:16 Referans Kwoze

1 Pyer 3:11

I devre aret fer sa ki mal, e pratik sa ki byen. I devre rod lape e fer lape.

1 Pyer 2:1

Alor, rezet, tou kalite mesanste, frod, lipokrizi, zalouzi ek medizans.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Matye 3:8

Alor, prodwi bann bon fri ki montre ki zot in konverti.

Ezai 52:11

Ale! Ale! Sorti kot zot ete! Pa tous nanryen ki enpir. Sorti parmi zot! Zot ki pe anmenn bann lobze sakre dan servis SENYER! Pirifye zot!

Psonm 26:6

Mon lav mon lanmen pour montre mon linosans e mon fer letour ou lotel, SENYER.

Romen 12:9

Lanmour i devre senser. Deteste sa ki mal e reste atase avek sa ki byen.

Akt de Zapot 22:16

Aprezan, pa tarde. Leve! Ganny batize. Envok son non, pour ki ou bann pese i ganny lave.”

Amos 5:15

Ay sa ki mal, kontan sa ki byen. Fer respekte lazistis an kour. Alor, SENYER, Bondye liniver ava kekfwa pran pitye pour sa restan lafanmir Zozef.

Zeremi 25:5

I ti dir zot: Sanz zot mannyer viv e aret fer sa ki mal; konmsa, zot ava kontinyen viv dan sa pei ki SENYER in donn zot ek zot bann zanset depi touzour e pour touzour.

Psonm 37:27

Aret fer sa ki mal, pratik sa ki byen e ou ava reste dan sa pei pour touzour.

Psonm 34:14

Aret fer sa ki mal, pratik sa ki byen; rod lape e met li an pratik.

Psonm 51:2

Lav mwan e retir mon bann fot. Pirifye mwan e anlev tou mon pese.

Proverb 4:27

Pa detourn ni adrwat ni agos; elwanny ou lipye devan sa ki mal.

Proverb 21:3

SENYER i prefer ladrwatir ek lazistis, plito ki bann sakrifis.

Zeremi 18:11

Aprezan, al dir pep Zida e bann zabitan Zerizalenm ki mon pe mazin en maler pour zot, ki mon pe fer en plan kont zot. Sakenn i devre sorti dan son move lavi; sanz son mannyer viv ek son mannyer fer.

Zeremi 26:3

Petet, enn apre lot, lepep ava ekoute e sanz zot move mannyer fer. Alor, mon pa ava detri zot parey mon ti'n deside, pour zot bann move mannyer fer.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Zonas 3:8

Dimoun ek zannimo fodre kouver zot avek lenz dey. Zot ava kriy ver Bondye avek tou zot lafors. Zot pou repanti e aret vyolans ki zot pe pratike.

Zakari 7:7

Pa sanmenm sa mesaz ki SENYER ti fer konnen par lentermedyer son bann ansyen profet. Dan sa letan bann zabitan Zerizalenm ti dan lape e latrankilite avek bann lavil dan zalantour, e Negev ek Sefela ti annan zabitan.

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

2 Rwa 17:13

SENYER ti'n averti Izrael ek Zida par lentermedyer tou son bann profet, e tou son bann vizyoner, ler i ti dir zot: Abandonn zot bann move mannyer fer e obzerv bann komannman ek bann regleman ki mon'n donn zot dapre bann lalwa ki mon'n donn zot zanset par lentermedyer mon bann serviter, bann profet.