Ezai 1:10 - Labib An Kreol Seselwa

¹⁰ Dirizan Sodonm! Ekout parol SENYER! Pep Gomor! Ekout lansennyman nou Bondye!

Ezai 1:10 Referans Kwoze

Revelasyon 11:8

Zot kadav pou reste dan lari sa gran lavil, ki apel senbolikman, Sodonm ek Lezip, lanmenm kot zot Senyer ti ganny krisifye.

Ezekyel 16:49

La fot ou ser, Sodonm ek son bann fiy: Zot ti annan lafyerte, zot ti kontan manz bokou, zot pa ti pran okenn traka, zot pa ti fer nanryen pour ed bann pov, ni bann malere.

Amos 9:7

La sa ki SENYER i deklare: Zabitan Izrael! Pa zot vo otan pour mwan ki bann Etyopyen? Pa mwan ki ti fer Izrael sorti Lezip, bann Filisten sorti Kaftor, ek bann Arameen sorti Kir?

Ezekyel 16:46

Ou gran ser, Samari ek son bann fiy, i lo ou kote Nor, e ou pti ser, Sodonm, i lo ou kote Sid ek son bann fiy.

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Ezai 3:9

Zot move aksyon i en temwen kont li. Zot montre zot pese parey Sodonm. Maler! Zot loter zot prop maler.

Deterononm 32:32

Zot boutir rezen i sorti dan en plan ki sorti Sodonm dan plantasyon rezen Gomor; zot rezen i bann rezen anpwazonnen, zot bann grap i anmer.

Romen 9:29

Parey Ezai ti'n dir oparavan: Si Senyer Toupwisan pa ti'n donn nou en desandans, nou ti pou vin parey Sodonm, nou ti pou resanble Gomor.

Amos 3:8

Kan en lyon i kriye, lekel ki pa pou per? Kan Senyer BONDYE in koze lekel ki oze pa anons son mesaz?

Amos 3:1

Pep Izrael! Ekout parol ki SENYER i prononse kont ou, lo tou bann fanmir ki mon'n fer monte, sorti Lezip:

Zeremi 9:26

Lezip, Zida, Edonm, Amonn, Moab e sa bann ki reste dan dezer ki'n raz zot latet. Bann Izraelit i parey: Zot in ganny sirkonsi, me pa zot leker.

Ezai 28:14

Alor! Bann ensolan ki domin sa pep ki reste Zerizalenm! Ekout parol SENYER.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Zenez 13:13

Bann zabitan Sodonm ti move e zot ti komet bann aksyon tre grav kont SENYER.

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Ezekyel 13:2

Ou ki en imen, profetiz kont bann profet Izrael, profetiz kont tou bann profet ki koz lo zot prop non: Ekout parol SENYER!

Mise 3:1

Mon ti dir: Ekoute! Zot bann sef dan fanmir Zakob, bann ziz dan fanmir Izrael! Pa zot devre konnen kisisa lazistis?

Ezekyel 16:35

Alor prostitye! Ekout parol SENYER: