Esdras 9:13 - Labib An Kreol Seselwa

¹³ Tou sa maler ki'n ariv nou, i akoz nou bann move aksyon ek nou bann fot. Sepandan, ou pa'n pini nou parey nou merite, e aprezan ou'n permet nou ki la, reste ankor vivan.

Esdras 9:13 Referans Kwoze

Psonm 103:10

I pa tret nou dapre nou pese; i pa pini nou dapre sa ki nou merite.

Lamantasyon 3:22

SENYER ava reste touzour fidel e son konpasyon pa pou zanmen fini.

Liv Zob 11:6

I ti ava fer ou konn sekre son lasazes ki depas nou rezonnman. Alor, ou ti ava konpran ki Bondye i oubliy en pe ou bann fot.

Galat 3:4

Eski zot in fer tou sa bann leksperyans pour nanryen ditou? Sa i pa posib.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Nehemi 13:18

Konmsa menm ki zot zanset ti azir. Pour sa rezon, nou Bondye in anvoy tou sa bann maler lo nou e lo sa lavil. Zot, zot pe ogmant son lakoler kont Izrael par mepriz son saba.